Skllavin, zgjoje nga gjumi!
nga Agim Popoci
Në këtë kohë pandemie, kur shqiptarët pas më shumë se 40 ditësh, Kryeministri Edi Rama, arriti ti bëjë shumë më shumë skllevër se sa qytetarë në karantinë, këta të fundit në zemërim e sipër janë duke kërkuar t’ju lëviz lideri në mënyrë që ta rikthejnë lirinë!
Për një çast ndoshta ky koncept i rikthimit të lirisë nga lideri edhe mund të kuptohet, kur shumica prej protagonistëve të rënies së diktaturës mendojnë se ishte lideri ai që në masën më të madhe ndikoi në vitin 1991, pse ata realizuan këtë ëndërr. Fatkeqësisht kjo ishte thjeshtë një lojë, asgjë nuk ra dhe asgjë nuk u çua, përveç një statuje që u përdhos! Pas 6 vjetësh kriminelët komunistë nxorën kokën, për tu rikthyer fuqishëm dhe hapur në vitin 2013 me një model të ri, me pronën shqiptare në duart e ca individëve që kishin dhe kanë një Babë Partie!
Shqiptarët e besuan përrallën e legalizimit falas edhe pse atë e premtonte një hajdut dhe një mashtrues! Ç’është e vërteta disa prej tyre e morën kartonin, falas jo por shumica prej tyre u bënë pronar për shumë pak kohë, dhe një ditë u zgjuan me fadromën para derës për t’iu shembur në mënyrë të paligjshme tashmë prona e paligjshme që u ishte legalizuar.
Partia e Punës kishte ndryshuar emrin por jo edhe folenë, Internacionalen Komuniste! Të gjithë atyre që mburreshin me Rrugën e Kombit ua vodhi ëndrrën duke ia falur Qet Kastratit. Për ata që e dinin dhe e dinë se kanë komb, këtë rrugë Qeti ua bëri me lekë, në mënyrë që çdo hap që shkelin mos ta kujtojnë bashkimin por Babën të cilin e riktheu partia!
Por shqiptarët nuk kishin parë gjë akoma! U shpikën PPP-të në mënyrë që shqiptarët të kenë realizuar ëndrrën e tyre “Rrugën e Arbërit” ndërsa rrugët tjera për të realizuar ëndrrën që kishte Baba me shokë, pasurimin e shpejt!
Shëndetësia falas ishte një ëndërr që mund ta besonin vetëm komunistët por tashmë shumë prej shqiptarëve ishin edhe të varfër, dhe u duhej një ëndërr për të jetuar. Këtë ju ofroj Edi Rama! Ishte mashtrim dhe ngeli i tillë, vetëm se tani u bë mashtrim me zarar që mbush xhepat e Babës me djemtë e tij rilindas. Këtë më së miri e zbuloi pandemia e cila tregoi në këtë shëndetësi asgjë nuk funksionon përveç se vjedhja, të cilën pushtetarët e bëjnë falas vetëm për Babën.
Këto ditë shpesh dëgjojmë Babën duke përsëritur lapsusin e liderit të opozitës
7×7=42. Ky përveç se lapsus tregon mendësinë që ka tendenca e tijë për të ulur shifrën, ndryshe 7×7 do të ishte 84 e ca më shumë siç është mendësia e Kryeministrit Edi Rama dhe shpurës së tij; Që, jo vetëm me tendera për 7 vjet dhe me këto PPP, por edhe në këto ditë të vështira të pandemisë, në asnjë nga tenderat e dhënë nuk e kemi parë se u doli saktë, 49!
Pandemia, është një fati i madh i Babës jo vetëm për pasurim por edhe për të shkelur me dy këmbët të gjithë ata që nuk i kanë besuar dhe nuk i besojnë Kryeministrit i cili u ul në këtë fron ndonësi nuk qeverisi me sukses as edhe një bashki të vetme!
Ashtu siç bëri me godinën e Bashkisë Tiranë kur ishte në krye të saj për 3 mandate, në emër të kthimit në identitet, sot e ka shndërruar Shqipërinë në një bunker, në emër të ruajtjes nga COVID-19.
Fillimisht i mbylli të gjithë në shtëpi! Më pas u bëri me dije se kush mund të sëmuret dhe kush jo! Kush duhet të shërohet dhe kush jo! U mëshirua dhe i la ca të dalin për të blerë bukë. Kur “konstatoi” se shqiptarët nuk din të bënë pazar, u vuri ca pika të verdha prej nga me urdhër partie duhet të sodisin, blejnë dhe paguajnë perimet dhe frutat! Sa u mrekulluan shqiptarët e shkretë me Baba kaq të mirë edhe pse u kishte ndaluar ti vizitojnë prindërit, e këtyre të fundit të mos dalin fare; Ndërsa për ata që nuk ishin të bindur u nxirrte kufoma nga Irani dhe arkivole nga Italia; Po, po nga Irani dhe Italia. Madje kur u festua një ditë në Bergamo sepse erdhi dita që në kishë të mos ketë arkivole dhe pandemia po shuhej, Baba nuk e mori mundimin ti relaksoi paksa, me një foto pa arkivol! Ku i dihet, ndoshta është mërzitur meqë propaganda komuniste nuk funksionon pa të vdekur!
Propagandë, e cila me ndihmën e propagandës komuniste të OBSH, i shërbeu për të terrorizuar dhe nënshtruar shqiptarët ndërsa skllavëroi edhe ata pak shqiptarë që nuk e shikonin shpresën tek një mashtrues dhe i paaftë. Meqë funksionoi shumë kohë në paligjshmëri vendosi ta ligjëroi terrorin.
Shumë njohës të jurispodencës ishin kurioz ta dinin se si do ta bëjë të ligjshëm gjithë këtë terror! Në ndihmë i erdhi miku i ditëve të para të krimit, për fatin e zi të shqiptarëve, Presidenti aktual i Republikës, Ilir Meta.
Sot, kur shqiptarët me Kod Penal të Edi Ramës nuk kanë të drejtë të hanë e të pinë, të dalin me të ëmën ose gruan, e madje as të dalin në dritare pa lejen e Babës, filluan të fiken duke fajësuar fatin e tyre se u mungon lideri.
Shqiptarët, të cilët u qeverisën nga Isamil Qemali, Mbreti Zog, bolsheviku Noli, krimineli Ener Hoxha, skilja Ramiz Alia, doktori Sali Berisha, i papërgjegjshmi Fatos Nano, gardiani i floririt dhe Kushtetutës, Ilir Meta, sot dorëzohen kur në hallin e tyre të madh me një virus, ata i qeveris skllavopronari Edi Rama, i cili u thotë shkurt dhe shqip se tashmë ai është Baba i tyre!
Po, edhe ata shqiptarë që u mrekulluan me librin “Profeti” të shkrimtarit të madh amerikan me prejardhje nga Libani, Khalil Gibran; Jo pse librin e shpërndau këngëtari i njohur Elvis Presley pasi ishte mrekulluar si shumë lexues të tjerë!
Edhe ata që jan mrekulluar dhe mrekullohen me këngën “Julia” nga John Lenon i “The Beatles”, i cili në vitin 1968 kishte përdorur vargjet nga poezia e Khalil Gibran nga libri “Rëra dhe shkuma”, ku thuhet: Gjysma e asaj që thuhet është e pakuptimtë, por vazhdoj ta them që ta dëgjoj gjysmën tjetër.”
Fatkeqësisht edhe ata që kishin dëgjuar audio-incizimin e veprës së famshme të Khalil Gibranit “Syri i profetit” i cili u realizua nga i madhi Johnny Cash.
Madje, edhe të gjithë ata të rinjë që vazhdojn ta admirojnë filmin e animuar “Profeti” nga Salma Hayek, i vitit 2014 /“The Prophet imdb”/.
Ndonëse i madhi Khalil Gibran e thotë qartë se si fitohet liria, dhe që është aktuale për këto ditë të vështira që po kalojnë shqiptarët me tashmë skllavopronarin, Edi Rama:
“Ata më thonë: Nëse e sheh një skllav duke fjetur, mos e zgjo sepse mund të jetë duke ëndërruar lirinë. Unë u them atyre: Nëse shihni një skllav duke fjetur, zgjojeni dhe i sqaroni se çfarë është liria!”
