Ndodhë edhe kjo: Edi Rama kërkon falje publike!

Vërtetë nuk kemi parë gjë akoma! Kryeministri Edi Rama di të kërkojë edhe falje publike, dhe këtë e bëri mbrëmjen e sotme për të gjithë ata që mendojnë se ai i ka fyer në replikat e tij.

“Unë s’kam kurrësesi asgjë personale me askënd, thjesht debatoj, pa dorashka, me ata që sulmojnë e shpeshherë shajnë e fyejnë pa frena fare! Disa thonë që tallem, por jo, kurrësesi, përndryshe nuk do harxhoja asnjë sekondë me replika e me bam e bumë ketu…” shprehet Edi Rama përmes rrjetit social Facebook dhe ka një sqarim edhe për ata që thonë se s’bëjnë kryeministrat kështu:

“Por jo, unë vërtetë jam përkohësisht kryeministër, por s’kam qenë e s’do jem asnjëherë asgjë tjetër përveçse ky që jam!” thotë njeriu që fyerjen e ka mjet komunikimi pa sqaruar arsyet e reflektimit në momentin që ndodhet Shqipëria dhe shqiptarët ndërsa ai qeverisë me arrogancë edhe në kohë pandemie, dhe në një ditë të bukur papritmas del dhe kërkon falje!

Në fund, atyre demokratëve me të cilët debaton dhe tashmë kërkon falje iu pranon edhe një gjë të qenësishme për të kuptuarit e rivalëve politik nga ana e Kryetarit të Partisë Socialiste dhe Kryeministrit, Edi Rama:

“Meqë ra llafi, jeni padiskutim më të vështirë në debat se ata që ju përfaqësojnë në mexhlis.”

Ja statusi i plotë:

Miq!

Kush nga ju ka menduar se e kam fyer ne replikat e mia ketu, ndjese! Nuk eshte kurre ky qellimi dhe as arsyeja pse une replikoj me ju ne kete faqe, qofshin edhe urrejtesit e mi me te medhenj! Une s’kam kurresesi asgje personale me askend, thjesht debatoj, pa dorashka, me ata qe sulmojne e shpeshhere shajne e fyejne pa frena fare! Disa thone qe tallem, por jo, kurresesi, perndryshe nuk do harxhoja asnje sekonde me replika e me bam e bume ketu… Disa thone s’bejne kryeministrat keshtu, por jo, une vertete jam perkohesisht kryeminister, por s’kam qene e s’do jem asnjehere asgje tjeter perveçse ky qe jam! Ka dhe disa demokratikas qe kujtojne se bejne lufte politike me mua ketu e shajne e nuk pushojne, mendim ndryshe thone, por jo, sharja s’eshte mendim fare. Megjithate as ata s’dua t’i bej te ndjehen keq! Debati me terheq shume dhe te ma bejne hallall, kur s’e kam dot me ata qe demokratikasit e kesaj faqeje votojne, sepse jane pa lidhje te votuarit e tyre, s’kam me ke e bej tjeter perveçse me ta direkt debatin politik – meqe ra llafi, jeni padiskutim me te veshtire ne debat se ata qe ju perfaqesojne ne mexhelis, Grupi 7X7=42 e kam llafin?

Nejse, s’po e zgjas me tutje. Perqafime pa parti