Studim i ri, qenë që nuhasin të infektuarin me koronavirus

Ekipi i shkencëtarëve britanik do të testojnë aftësinë e qenit për të nuhatur COVID-19, projekt ky i financuar nga qeveria e Britanisë së Madhe me 500 mijë paund, raporton Agjencia e lajmeve Reuters.

Qeveria e Britanisë së Madhe ka bërë të ditur sot se studimin do ta realizoj

London School of Hygien and Tropical Medicine, Universiteti Durham dhe kompania britanike Medical Detection Dogs.

“Qentë për biodetektim mund të identifikojnë disa lloje të kancerit. Besojmë se ky inovacion mund të mundësoj rezultate të shpejta në kuadër të strategjisë së gjerë të testimit,” tha ministri britanik i Inovacionit, James Betthell.

Labradors dhe cocker spaniel

Gjashtë qenë të racës labradors dhe cocker spaniel do të marrin mostrat e aromave nga pacientët e infektuar me COVID-19 nga spitalet e Londrës, dhe do të trajnohen që të dallojnë aromën e këtyre pacientëve prej atyre që nuk janë të infektuar.

Medical Detection Dogs ka bërë të ditur se më parë kishin trajnuar qentë për zbulimin e disa llojeve të kancerit, sëmundjes së Parkinsonit dhe malaries.

Nëse ky trajnim përfundon me sukses, një qen do të mund të “kontrolloj” 250 persona brenda një ore. Kjo metodë mund të shfrytëzohet në hapësira publike dhe aeroporte.