Sot protestë në orën 16:30

Aleanca për Mbrojtjen e Teatrit sot në orën 16:30 organizon para Ministrisë së Brendshme protestë qytetare, si reagim kundër shembjes së Teatrit Kombëtar që pritet të jetë pandërprerje:

“Qytetaria do ta mposhtë mafien,” tha Përfaqësuesi i Aleancës Robert Budina duke ftuar të gjithë pjesëmarrësit sot në orën 16:30 të protestojnë para Ministrisë së Brendshme.

Pas kësaj thirrje të Aleancës për Mbrojtjen e Teatrit, Kryesia dhe Grupi Parlamentar i Partisë Demokratike zhvilluan një mbledhje ku u vendos të mbështetet kjo protestë. Kryetari i PD, Lulzim Basha, tha se në mbledhje është vendosur të angazhohen të gjitha strukturat e PD për të mobilizuar sa më shumë njerëz për të marrë pjesë në protestën e cila është thirrur për të hënën në 16:30 nga Alenca për Mbrojtjen e Teatrit.

“Sot Aleanca për Mbrojtjen e Teatrit ka shpallur protestë për të hënën në 16:30 dhe ka kërkuar prani sa më të madhe të protestuesve.

Ne do të angazhojmë strukturat tona që të jemi në mbështetje të tyre. Në këtë protestë kundër këtij krimi makabër. Në një protestë jo vetëm në mbrojtje të teatrit, por kundër tiranisë, shkeljes flagrante të ligjit. Janë ndarë detyrat për të siguruar pjesëmarrje maksimale nesër në protestë,” tha Lulzim Basha duke përsëritur edhe një herë premtimin:

“Gjej rastin të përsëris angazhimin tim për rindërtimni e Teatrit Kombëtar, të plotë ashtu siç është me parametrat e konceptuar. Ky është një zotim që unë personalisht nesër në qeverisje do ta bëjmë realitet. Pas hekurave të gjithë ata që u përfshinë në këtë krim makabër”.

Në fund, Kryetari i Partisë Demokratike, Lulzim Basha, e bëri të qartë se takimi i radhës i Këshillit Politik për Reformën Zgjedhore i cili është parashikuar për sot nuk do të zhvilllohet.