Mesazh për liderët politikë, Ambasadorja e SHBA: Mos bëni më lojëra!

Ambasadorja e SHBA në Shqipëri, Yuri Kim, sot dha një mesazh të qartë për të gjithë ata liderë politik që nuk e kuptuan ose bënë sikur nuk e kuptuan mesazhin e djeshëm, duke theksuar se nuk bëhet pazar me Reformën në Drejtësi dhe Reformën Zgjedhor.

“Shtetet e Bashkuara duan të njëjtën gjë që do dhe populli shqiptar. Duam që Shqipëria të jetë një aleat i fortë i SHBA. Duam të jeni pjesë të familjes europiane. Nuk mund ta arrini këtë pa Reformën Zgjedhore dhe Reformën në Drejtësi. Këto nuk janë gjëra me të cilat mund të bëhet pazar, por domosdoshmëri. Ka ardhur koha të mos bëni më lojëra,” tha Ambasadorja e SHBA në Shqipëri, Yuri Kim, duke iu drejtuar liderëve politikë që vazhdojnë të pengojnë reformat ndërsa përfundon:

“Është koha të realizohet Eeforma në Drejtësi. Është koha të realizohet Reforma Zgjedhore, siç udhëheqësit i kanë premtuar popullit shqiptar dhe njësoj sikur populli shqiptar dhe SHBA duan.”

Ambasadorja e SHBA në Shqipëri, Yuri Kim, këtë mesazh e dha para KPA ku ishte nisë të marrë pjesë në seancën e gjyqtarit të Këshillit të Posaçëm të Apelimit, Luan Daci, i cili u pezullua nga SPAK për falsifikim të dokumenteve.

Ndryshe, dje Ambasadorja Yuri Kim u shpreh qartë se fjalët për një marrëveshje prapa krahëve për të vrarë Reformën në Drejtësi në Shqipëri, uron të mos jenë të vërteta ndonëse ato i paralajmëroi dhe i promovoi Presidenti i Republikës, Ilir Meta, ndërsa kërkon mbështetjen e opozitës dhe nga ana tjetër është Kryeministri Edi Rama i cili nga momenti i parë u angazhua seriozisht në shkattërrimin e kësaj Reforme.

Reformë, për të cilën dje Ambasadorja e SHBA në Shqipëri, Yuri Kim, u shprehë shumë qartë:

“Reforma është e dhimbshme, e ngadaltë dhe jo perfekte por është e nevojshme, po bën përparim dhe duhet të vazhdojë.”