Aksidenti në Gjirokastër, rëndohet bilanci i viktimave

Rëndohet bilanci i aksidentit të ndodhur sot në Jorgucat të Gjirokastrës.  Policia bëri të ditur se si pasojë e aksidentit kanë humbur jetën dy gra, një prej të cilave në spital, ndërkohë që një e tretë ndodhet në gjendje të rëndë.

Sipas të dhënave të para mësohet se automjeti që vinte nga Kakavija me targën GJ 0524 A ka përplasur tre gratë të cilat ishin punëtore fushe dhe po lëviznin me këmbë në anë të rrugës, pasi kishin mbledhur bime medicinale.

Si pasojë dy prej shtetaseve H.Ç e S.K banuese në Lazarat kanë humbur jetën, ndërsa shtetasja tjetër ndodhet në spital në gjendje të rëndë për jetën. Sipas burimeve, Leonidha Klemo është shoferi që përplasi gratë,  i cili është shoqëruar në Drejtorinë e Policisë së Gjirokastrës dhe po merret në pyetje.

Informacioni paraprak:

Njoftohemi se në aksin rrugor Gjirokastër – Kakavijë, në vendin e quajtur Jorgucat ka ndodhur një aksident rrugor. Mjeti tip “Nissan”, me targa GJ 0524 A, me drejtues shtetasin Leonidha Klemo, banues në Gjirokastër, ka goditur tre shtetase, të cilat lëviznin me këmbë në anë të rrugës.

Si pasojë dy prej shtetaseve H.Ç e S.K banuese në Lazarat kanë humbur jetën, ndërsa shtetasja tjetër ndodhet në spital në gjendje të rëndë për jetën. Në vendngjarje kanë shkuar shërbimet e qarkullimit rrugor dhe grupi hetimor ku vijon puna për zbardhjen e plotë të rrethanave të ngjarjes.