Edi Rama flet për karantinë, në Kroaci 92 mijë turistë

Deri sa Kryeministri Edi Rama kërcënon shqiptarët me karantinë dhe i fajëson për rritjen e numrit të prekurve me koronavirus, në Kroaci, aty ku president është këshilltari i tij Zoran Milanoviç, aktualisht janë 92 mijë turistë ose 20 mijë më shumë se fundjavën e kaluar, 66.5 për qind prej të cilëve janë të huaj.

Të dhënat e eVisitor konfirmojnë rritjen e numrit të turistëve pas hapjes së kufijve dhe lehtësimit të masave, që për Shoqatën e Turistëve të Kroacisë, HTZ, ishte e pritshme, por gjithashtu të dhënat e eVisitor konfirmojnë se top tregjet në turizmin kroat po kthehen gradualisht në nivelin që ishin.

Në fakt, sipas eVisitor, katër tregjet e huaja prej të cilëve vijnë numri më i madh i turistëve në Kroaci, janë Gjermania, Slovenia, Austria dhe Çekia.

Shumica e turistëve që aktualisht janë në Kroaci janë vendosur në objekte private, në kampingje dhe në fund, në hotele.

Numri më i madh i turistëve është vendosur në Rovinj, që edhe këtë vit renditet i pari, i pasuar nga Vir i cili edhe gjatë kohës sa ishte e mbyllur Kroacia, ishte destinacioni më i preferuar për turizëm.