“Mos e harro Çamërinë”/ Nis java çame, thirrje Micotaqisit: Dëgjo zërin e babait!

Nën moton “Mos e harro Çamërinë” sot nisi java çame, ku Kryetari i PDIU, Shpëtim Idrizi, duke i kujtuar Kryeministrit të Greqisë, Kyriakos Mitsotakis vitin 1993 kur babai i tij pranonte të ngriheshin komisionet mikse për pronat e çamëve dhe partizanëve çamë në varrezat në Greqi, sot kishte vetëm një thirrje për Mitsotakis: Dëgjo zërin e babait!

“Jemi këtu sot në përkujtim të 76 vjetorit të genocidit programuar mbi popullsinë e Çamërisë. Genocidi që përfundoi me 20% të vrarë dhe pjesën tjetër të dëbuar. Kombet e dështuar janë ata që fshijnë të shkuarën me harresë. Harresa është një vrasje tjetër. Unë e di shumë mirë që qarqe brenda dhe jashtë Shqipërisë janë mbuluar ta mbulojnë me harresë.

Për të gjithë ata që mendojnë se shqiptarët e Çamërisë do të lodhen, un them që do të lodhemi të fundit. Ne fillojmë sot javën çame,” tha Shpëtim Idrizi duke bërë të ditur se mesazhi i këtij viti “Mos e harro Çamërinë” i drejtohet qeverisë greke që të mos bëhet bartëse e ekstremistëve grek.

“Dua t’i kujtoj Mitsotakis, babain e tij që në vitin 1992 pranonte të ngriheshin komisionet mikse për pronat e çamëve dhe partizanëve çamë në varrezat në Greqi. Thirrja sot është ‘dëgjo zërin e babait’,” tha Idrizi ndërsa iu drejtua edhe qeverisë shqiptare:

“Sot duhet të përkujtonte ditën e genocidit shqiptar ndaj Çamërisë. Sot dua t’i drejtohem qeverisë shqiptare për të zbatuar detyrimin që rrjedh nga rezoluta e miratuar në parlamentin e Shqipërisë për çështjen çame. Në kushtet e krizës sot do të dukej jo shumë me vend të tërheqim vëmendjen për Çamërinë, por kemi shumë arsye për ta ngritur zërin.”

Kryetari i PDIU foli me këtë rast dhe për gjallërimin e ekstremistëve grek dhe ndalimin e patriotëve e shqiptarë që bëhet nga qeveria:

“I keni parë si janë gjallëruar qarqe ekstremiste greke, në Himarë që dogjën flamurin. Po ndërsa presim reagim nga qeveria, ndalohen apo gjobiten disa patriot që protestuan në Gjirokastër. Ndërsa kërkonim varrezat e shqiptarëve të vrarë në shtëpitë e tyre, u ngritën varreza të ushtarëve grekë, që erdhën si pushtues.

Në fund, Kryetari i PDIU, Shpëtim Idrizi foli dhe për shfaqjen e idiotëvetë të Athinës që mbrojnë të drejtat e mohuara të minoritetit grek ndërsa ju bërë të qartë se çamët do të lodhen të fundit ndërsa përfundoi:

Ndërsa kërkojmë heqjen e ligjit të luftës na përgjigjen me komisione mikse, me ligjin për censusin. I keni parë se si idiotët e dobishëm të Athinës na shfaqen duke mbrojtur të drejtat e mohuara të minoritetit grek. Ne kemi shumë arsye për të folur për Shqipërinë, Çamërinë dhe ato që na bëjnë bashkë, dhe prandaj po ju them që ne do të lodhemi të fundit.”

Nën moton “Mos e harro Çamërinë” sot nisi java çame kur shënohet dhe 76 vjetori i genocidit mbi mbi popullsinë e Çamërisë ndërsa kulmon më 27 Qershor me Pelegrinazhin në “Varrezat monumentale të shqiptarëve të Çamërisë”, Kllogjer, Qaf Botë, Sarandë.