Hapet Bypassi Tepelenës, Rama: Shteg që fuqizon ofertën e Tepelenës turistike!

Sot është përuruar Bypassi i Tepelenës, të cilin Kryeministri Edi Rama e konsideron si një vepër tjetër të rëndësishme të infrastrukturës kombëtare e cila u vu në shërbim të qytetarëve e të sipërmarrjes.

“I trashëguar ndër dekada si një shteg buzë kalasë së Ali Pashës, sot segmenti që lidh dy segmentet e rëndësishme rrugore, Levan-Tepelenë dhe Tepelenë -Gjirokastër-Kakavijë, ofron dhe një panoramë fantastike për udhëtarët,” tha pas përurimit të këtij Bypassi, Kryeministri Edi Rama, duke reaguar përmess rrjetit social Facebook duke e vlersësuar si një hapësirë të re lëvizjeje për këmbësorët që fuqizon më tej ofertën e Tepelenës turistike.

Ndryshe, Bypassi i Tepelenës që lidh segmentet rrugore Levan- Tepelenë dhe Tepelenë- Gjirokastër- Kakavijë është i gjatë 1.8 kilometra.

Statusi i plotë:

Hapet bypass-i i Tepelenës, një vepër tjetër e rëndësishme e infrastrukturës kombëtare vihet në shërbim të qytetarëve e të sipërmarrjes.

I trashëguar ndër dekada si një shteg buzë kalasë së Ali Pashës, sot segmenti që lidh dy segmentet e rëndësishme rrugore, Levan-Tepelenë dhe Tepelenë -Gjirokastër-Kakavijë, ofron dhe një panoramë fantastike për udhëtarët, si edhe një hapësirë të re lëvizjeje për këmbësorët, duke e fuqizuar më tej ofertën e Tepelenës turistike