Presidenti Trump e zëvendëson menaxherin e fushatës

Përballë një beteje të ashpër rizgjedhjeje, Presidenti i Shteteve të Bashkuara, Donald Trump, e zëvendësoi menaxherin e tij të fushatës zgjedhore. Në vend të Brad Parscale, menaxher i fushatës së Presidentit Trump tashmë do të jetë Bill Stepien, i cili ishte drejtor në terren i fushatës zgjedhore të Donald Trump në vitin 2016.

“Brad Parscale, i cili ka qenë me mua për një kohë shumë të gjatë dhe ka udhëhequr strategjitë tona të jashtëzakonshme digjitale dhe të të dhënave, do të mbetet në atë rol, duke qenë këshilltar i lartë i fushatës,” ka bërë të ditur Donald Trump përmes rrjetit social Facebook.

Vajza e presidentit, Ivanka Trump, dhe burri i saj, Jared Kushner, të dy këshilltarë të Shtëpisë së Bardhë, RFE raporton se e kanë fajësuar Brad Parscale për dështimin. Parscale ishte shprehur se më shumë se një milion njerëz janë regjistruar për të marrë pjesë në tubim, por, sipas Departamentit lokal të Zjarrit, tubimi është ndjekur nga më pak se 6.200 vetë. Pas tubimit, raporton RFE, Parscale ka fajësuar një portë të bllokuar të sigurisë, protestuesit dhe mediat për pjesëmarrjen zhgënjyese.