Shkarkimi Presidentit Meta, Komisioni Hetimor: S’ka shkelje! Fino: Tallje me shqiptarët!
Komisioni Hetimor parlamentar për shkarkimin e Presidentit të Republikës sot arriti në përfundimin se Ilir Meta nuk e ka shkelur aq shumë Kushtetutën, sa të shkarkohet ndonëse ishte një zë kundër gjatë debatit pë lindjen e këtij flirti të ri të Edi Ramës.
Ish-Kryeministri dhe deputeti i PS, Bashkim Fino ndonëse e votoi këtë vendim e konsideroi tallje me qytetarët madje tha se ndoshta edhe duhet ti kërkohet falje Presidentit të Republikës për bezdisje.
Por kështu nuk mendon Kryetari i Komisionit të Ligjeve, Ulsi Manja, i cili u shpreh krenar për punën e tij dhe të kolegëve, që sipas tij kishte si qëllim të vetëm, që prej ditës së parë respektimin e Kushtetutës.
“Shkeljet e kryera nga Presidenti i Republikës në formën e veprimeve ose mosveprimeve nuk konsiderohen të mjaftueshme për propozimin seancës plenare për shkarkimin e Presidentit. Komisioni hetimor i sugjeron dhe i rekomandon Kuvendit të Shqipërisë këto zgjidhje” rishikim të dispozitave kushtetuese për të qartësuar pozitat e presidenti, një ligj organik për presidentin.
Në kuadër të ligjeve të reja të reformës në drejtësi ka qenë dhe një ligj organik për Presidentin i Republikës po u tërhoq nga procedura sepse nuk qartësonte kompetencat e Presidentit por merrej me privilegjet presidenciale.
Ftojmë ta miratojmë këtë raport përfundimtar të komisionit hetimor. 6 vota pro, me rezervën që kolegu Fino shprehu, asnjë kundër, asnjë abstenim miratohet raporti përfundimtar i komisionit hetimor. Mbyllet veprimtaria e këtij komisioni hetimor,” tha Manja në fund të punës së këtij Komisioni Hetimor i cili filloi me kërkesën e 55 deputetëve socialist për shkarkimin e Presidentit të Republikës dhe përfundoi me rindezjen e flirtit Rama-Meta.
Nuk dihet se pse u aktivizua Bashkim Fino duke kërkuar shkarkimin e Ilir Metës kur në fund votoi të kundërtën, gjithsesi ai gjatë debatit u shprehë:
“Presidenti ka shkelur me të dyja këmbët Kushtetutën, ndaj duhet të shkarkohet. Nuk e ngritëm Komisionin për të analizuar sjelljen e Metës. Na ka quajtur grup kriminal, ndaj le të reflektojmë para se ta çojmë raportin përfundimtar në Parlament,” tha Bashkim Fino që kishte dhe një propozim për mazhorancën e Edi Ramës së cilës i takon dhe vetë Fino e që vazhdojnë e tallen me shqiptarët për të shtatin vit me radhë:
“Ndoshta duhet ti kërkojmë falje Presidentit se e kemi bezdisur!”
