Vazhdon spektaklin, Edi Rama thirrje Opozitës së Bashkuar: Mos bojkotoni…

Pasi prishi Marrëveshjen e 5 Qershorit e cila ishte firmosur nga të gjitha palët në tokën amerikane dhe në prani të Ambasadores së SHBA në Tiranë, Yuri Kim, sot Kryeministri Edi Rama vazhdon spektaklin “Listat e Hapura” me moderatorë Rudinën dhe Myslymin, duke i bërë thirrje Opozitës së Bashkuar që sot të mos bojkotojnë Këshillin Politik dhe të miratojnë Marrëveshjen që firmosi mbrëmë me moderatorët e spektaklit të tij për ndryshimet kushtetuese.

“Sot në 17:00 është propozuar nga ana jonë përmes Damian Gjiknurit mbledhja e Këshillit Politik. Përsëris apelin për OP jashtëparlamentare që të mos e bojkotojë Këshillin Politik,” bënë thirrje Edi Rama përmes rrjetit social Twitter duke përfunduar:

“Të vijojmë dialogun tripalësh së bashku me OP parlamentare, për reflektimet e risive kushtetuese!”

Nuk dihet pse, por në këtë twitt Edi Rama nuk saktëson nëse do të ketë një Marrëveshje të tretë, ku sërish ai nuk do të jetë fajtor sepse do ti dalë një tjetër murriz apo hajdar; Ama Marrëveshjes do ti fut shqelmin. Apo nuk ka se pse e specifikon këtë gjë, kur këtë punë Edi Rama e ka bërë prej se shkeli në politikë, firmos dhe bën nul, pa zgjedhur metoda!