Presidenti Trump firmos urdhërin ekzekutiv për uljen e çmimit ilaçeve në SHBA

Presidenti i Shteteve të Bashkuara, Donald Trump, ka firmosu katër urdhëra ekzekutivë për të ulur çmimet e ilaçeve në SHBA.

“Katër urdhërat që po i firmos sot do të rikonstruktojnë tërësisht tregun farmaceutik”, tha Presideni Trump që kishte kritikuar në vazhdimësi çmimet tejet të larta të barnave.

Ky vendim mundëson edhe importin e barnave më të lira nga vendet tjera.

Analistët e kanë kritikuar këtë vendim duke theksuar se nuk do të ketë shumë efekt.

Ndryshe, që kur Presidenti Trump kishte marrë mandatin, raporton RFE, ai kishte kritikuar çmimet e larta në tregun farmaceutik dhe kishte paralajmëruar hapa radikalë për të ulur çmimet.

Zgjedhjet presidenciale në Shtetet e Bashkuara do të mbahen në nëntor të këtij viti. Kritikët kanë theksuar se këto vendime vështirë se mund të hyjnë në fuqi deri në atë kohë.

Shtetet e Bashkuara janë duke u përballur me një numër të madh të të infektuarve nga koronavirusi. Deri më tani janë raportuar mbi 4 milionë raste dhe mbi 145 mijë viktima.