BeH, ministri Sallko Bukvareviç humb betejën me koronavirus

Ministri për Çështjet e Veteranëve në Federatën e Bosnje Hercegovinës, Sallko Bukvareviç, pas përkeqësimit të gjendjes shëndetësore sot ka humbur betejën me koronavirus.

Vdekjen e tij e ka konfirmuar Qendra Klinike e Universitetit të Sarajevës.

Nga dita e hënë ai ka qenë duke u trajtuar me respirator.

Bukvareviç, 53-vjeçar, ishte ministër në Bosnje Hercegovinë nga viti 2015.

Sipas të dhënave të fundit të autoriteteve shëndetësore boshnjake, raporton RFE, prej konfirmimit të rasteve të para me koronavirus atje, deri më tani janë infektuar më shumë se 11.000 persona. Prej tyre, 305 kanë vdekur.