Task Forca Operacionale në Fier, kontrolle të shumta; Shoferët: Gjoba selektive!
Task Forca Operacionale prej disa ditësh ka zbarkuar në Fier duke bërë kërdinë me gjoba ndaj drejtuesve të automjeteve.
Vetëm brenda pak orësh sot janë vendosur mbi 80 gjoba për parkim të gabuar, rripin e sigurimit dhe mungesë dokumentacioni, e në pjesën më të madhe të rasteve në akse me trafik të dendur, duke bllokuar edhe lëvizjen e automjeteve.
Drejtuesit e mjeteve shprehin pakënaqësi për kontrollin selektiv dhe vendosjen e gjobave nga policia e Task Forcës.
“Jemi për zbatimin e ligjit, por jo për mënyrën selektive të ndëshkimeve,” shprehen drejtuesit e mjeteve në qytetin e Fierit pasi e vënë re gjatë kontrolleve të sotme se si po vepron Task Forca Operacionale.
