KPA, shkarkohet prokurori i Fierit, Fatmir Lushi
Kolegji i Posaçëm i Apelimit, KPA, shkarkoi nga detyra prokurorin e Prokurorisë së Rrethit Gjyqësor Fier, Fatmir Lushi.
Lushi edhe më parë ishte shkarkuar nga ana e KPK, pasi u konstatuan probleme me pastërtinë e figurës dhe pasurinë e tij. Sipas hetimeve të kryera nga DSIK, Lushi u vlerësua si i papërshtatshëm pasi dyshohej se kishte favorizuar persona nën hetim.
Pas këtij vendimi, Lushi ankimoi vendimin në KPA për rivlerësimin e të dhënave lidhur me fatin e tij në sistemin e drejtësisë.
Mirëpo, Kolegji i Posaçëm i Apelit vendosi që të lërë në fuqi vendimin e KPK, të datës 26 mars 2019.
