Bastardohet Reforma Zgjedhore, Këshilli Politik s’bie dakord as për mbledhje. Opozita konfirmon…

Reforma Zgjedhore pas dekretimit të zgjedhjeve parlamentare në 25 Prillin e vitit 2021 është shpërfyttyruar plotësisht. Nga diskutimi mbi listat e hapura dhe identifikimin elektronik të votuesit, debati ka zbitur në nivelet mizerabël nëse mbledhja e Këshillit Politik do të zhvillohet në orën 10:30 apo 12:00.

Pasi në mbledhjen e fundit të Këshillit Politik nuk pati asnjë dakordësi për të zhvilluar mbledhje ditën e premte, sot përfaqësuesit e Opozitës së Bashkuar në Këshillin Politik, Oerd Bylykbashi dhe Petrit Vasili iu drejtuan përmes një letre përfaqësuesit të PS, Damian Gjiknuri, duke konfirmuar pjesëmarrjen për nesër në mbledhje dhe propozojnë orën 12:00 deri sa Gjiknuri kishte propozuar orën 10:30.

Deklaratë:

Z.Gjiknuri.

Ne mbledhjen e fundit te Keshillit politik nuk pati asnje dakordesi per te zhvilluar mbledhje diten e premte. Ju gjithashtu refuzuat kerkesen tone per mbledhje te Keshillit Politik diten e merkure.

Kjo logjike e funksionimit te njeanshem eshte krejt e kundert me menyren e ndertimit dhe funksionimit te Keshillit Politik, ku qofte ditet e mbledhjeve ashtu edhe rendi i dites jane dakordesuar konsensualisht me pare.

Megjithate duke e konsideruar kete si nje veprim te gabuar tuajin por qe nuk do perseritet më, konfirmojme pjesmarrjen tone dhe propozojme qe mbledhja te zhvillohet ne oren 12.00.

Oerd Bylykbashi

Petrit Vasili