Plani i Rimëkëmbjes, Basha: Edi Rama të lerë vjedhjet, t’i çojë paratë ku shqiptarët kanë më shumë nevojë!

Kryetari i Partisë Demokratike, Lulzim Basha, pas një vizitë që zhvilloi sit në një fasoneri në Vorë tha sae Plani i Rimëkëmbjes që prezantoi PD nuk është program elektoral, por kërkesa që i shtrohet qeverisë në ikje, që të lerë palacollëqet e të lerë vjedhjet e t’i çojë paratë aty ku ka kanë më shumë nevojë shqiptarët.

“Kam ardhur sot në një ndërmarrje fason në Tiranë- Durrës, ka patur në të kaluar deri në 500 punonjës tani ka vetëm 150. Ndodhet nën presionin e krizës ekonomike. Ne kemi shpalosur Planin e Rimbëkëmbjes ekonomike, është fuqizimi i biznesit i sipërmarrjes, që është lënë pas dore. Paratë që këta paguajnë si taksa, shkojnë në çdo drejtim tjetër përveç se për sipërmarrjen,” tha Lulzim Basha ndërsa për Planin e Rimëkëmbjes së Ekonomisë Shqiptare me 5 Pika që shpalosi dje e bëri të qartë edhe sot se nuk është plan elektoral.

“Plani që shpalosëm nuk është programi ynë elektoral. Është plani për këto 6 muaj, sepse këto 6 muaj e fundit të kësaj qeverie e ka akoma një njeri që vijon të bëjë sharlatanin e palacon. Sa do të shajë të vërtetën nuk e mblulon dot. Xhepat e shqiptarëve janë boshatisur, sipërmarrja po vuan dhe është në kufijtë e ekzistencës.

Ndaj dua ta them qartë e shkoqur, plani i rimëkëmbjes nuk është program elektoral, por kërkesa që i shtrohet qeverisë në ikje, që të lerë palaçollëqet e të lerë vjedhjet e t’i çojë paratë aty ku ka kanë më shumë nevojë shqiptarët” tha Kryetari i Partisë Demokratike duke e bërë të qartë se duhet të kemi një mekanizëm frymëmarrje për biznesin.

“Paratë të mos zhduken në xhepat e klientëve të qeverisë. Këto 6 muaj do jenë edhe më të vështirë. Gabimet u bënë, po të paktën të mësohet, se nuk po paguan as Rama as ministrat sheikë, po shqiptarët, sipërmarrësit, njerëzit punëtorë. Nuk është koha për palaçollëqe e sharlatanizëm, nuk i hedh sy njeriu duke sulmuar nga mëngjesi në darkë duke sulmuar opozitën. Njerëzit nuk po futen as në listën e dyqaneve.”

Sot dhe ditë për ditë, tah lideir i Opozitës së Bashuar, nuk do lodhem së përsërituri që nuk ka kohë për sharlatanizëm por për të marrë përgjegjësi sepse vendi është në krizë dhe tryezat e shqiptarëve janë bosh.

“Urgjentisht plani që ne kemi shpalosur i Rimëkëmbjes Ekonomike Anti-COVID se ka kohë pastaj për t’u marrë me kopjet e shëmtuara dhe në kuptimin politik vetëvrasëse që i bën pjesë të programit tonë ekonomike, ka kohë për t’u marrë me ato. Dilte thoshte do ndalojmë inspektorët tatimorë, i ke lënë 7 vite dhe tani për zgjedhje do i ndalosh.”

Duke vlerësuar se është një emergjencë ekonomike, shëndetësore, sociale, dhe koha nuk pret, Kryetari i PD, Lulzim Basha sqaroi se kjo është arsyeja që ka dalë përpara me një propozim konkret e përgjigjja e djeshme ishte e një njeriu të papërgjegjshëm që refuzon përgjegjësitë e tij ndërsa përfundoi me një thirrje:
“Biznesi është në krizë, ka nevojë për ndihmë, sipërmarrja, të punësuarit, të papunët, pensionistët kanë nevojë për ndihmë. Nuk është koha për t’u fshehur pas batutave, dhe sjelljes prej palaçoje por është koha të marrësh përgjegjësitë.”