VIDEO/ Zaev shkon të informojë Presidentin rreth marrëveshjes, ai e refuzon…

Kryeministri i Maqedonisë, Zoran Zaev dhe ministri i Jashtëm, Dimitrov, mëngjesin e sotëm dorëzuan marrëveshjen për zgjidhjen e çështjes së emrit te presidenti Gjorgje Ivanov.

Takimi zgjati vetëm dy minuta, pasi Ivanov braktisi takimin duke mos pranuar as të njoftohet rreth përmbajtjes së marrëveshjes dhe paralajmëroi se gjatë ditës do te paraqitet në konferencë për shtyp dhe të informojë opinionin publik rreth qëndrimit të tij.

Ndërkohë Qeveria u bëri thirrje të gjitha forcave politike dhe faktorëve politikë që të bashkohen rreth interesave kombëtare dhe të japin mbështetje për prosperitetin e qytetareve për anëtarësimin e vendit në NATO dhe BE.