Korrupsioni, jetë apo vdekje, Yuri Kim: Të dënohen ata që përdorin postin publik për të pasuruar veten ose partinë!

Qeveria mund të kufizojë mundësitë për korrupsion dhe mund të dënojë ata që përdorin postin e tyre publik për të pasuruar veten ose partinë e tyre, tha Ambasadorja e SHBA në Tiranë, Yuri Kim, duke e bërë të qartë se Qeveria duhet të gjejë mënyrat për të zbuluar dhe ndëshkuar zyrtarët e korruptuar ndërsa për përparimin në Reformën në Drejtësi mori një shembull praktik:

“Kur po ktheheshim nga Valbona drejt Thethit patëm mundësi të bënim një ngjitje malore, nuk ishte e lehtë por përmes ndihmës së guidës sonë, ne patëm mundësi që të vendosim një këmbë pas tjetrës, që të gjenim një hapësirë të fortë, dhe miqtë do të na jepnim një dorë kur donim të dorëzoheshim. Kur shoh Reformën në Drejtësi në Shqipëri është një çështje që ka të bëjë me të vendosurin një këmbë pas tjetrës, në një majë aq të thepisur. Korrupsioni është është një problem i madh, është një mal problemesh në Shqipëri, por hap pas hapi ne jemi duke bërë përparim. Dëshiroj të marr një çast para, është një çast për t’u shënuar e për t’u festuar, edhe pse jemi larg fitores. Keni qenë këmbëngulës, duke vendosur hap pas hapi drejt ngjitjes tuaj në mal,” tha Ambasadorja Yuri Kim duke shtuar se SHBA është e përkushtuar për një të ardhme demokratike e të sigurtë të Shqipërisë.

“Është  në interes të SHBA të ketë një aleat të aftë të bëjë pjesën e saj. Të demostrojë që qeveria po punon në emër të qytetarëve, e jo të interesave të ngushta. Qytetarët e Shqipërisë, si kudo meritojnë qeverisje të mirë. Meritojnë të kenë besim se fondet publike, po përdoren për të përmirësuar jetën e tyre.  Ekzistojnë pengesa serioze për qeverisje të mirë, si zyrtarë të korruptuar, sektor drejtësie të kapur nga interesa politikë, gazetarë që raportojnë për interesa të caktuara, poste zyrtare për interesa vetjake ose partiake etj.” tha Ambasadorja amerikane duke e pranuar se pandemia i ka bërë rreziqet edhe më të qarta.

“Çdo sektor i kujdesit shëndetësor, është i mbushur për mundësi për korrupsion, për shkak të masës së buxhetit të tij,  por në kohë si këto, korrupsioni do të thotë jo vetëm shpërdorim i panevojshëm, por nënkupton jetë apo vdekje.

Të gjitha qeveritë kudo vuajnë nga një nivel korrupsioni. Edhe SHBA nuk janë të përjashtuara nga kjo, por qeveritë mund të kufizojnë mundësitë për korrupsion dhe mund të dënojnë ata që përdorin postin e tyre publik për të pasuruar veten ose partinë e tyre. Sigurisht policë, prokurorë e gjyqtarë të pavarur, janë thelbësor për qeverisjen e mirë. Shqipëria duhet të nisë raportet periodike të performancës për gjyqtarët e prokurorët, për të siguruar efektiv të drejtësisë.”

Do të ketë gjithmonë aktorë të këqinj, por duhen gjetur mënyrat për t’i ndëshkuar, tha Yurik Kim, duke e bërë të qartë se në këtë mënyrë fitorhet dhe besimi i njerëzve.

“Shqipëria ka nisur në këtë rrugë hap pas hapi dhe reforma në drejtësi ka nisur të tregojë rezultate. SPAK ka drejtimin e saj, GRECO tregoi përparim,” tha Ambasadorja Yuri Kim duke përfunduar:

Kjo është një mundësi për të vlerësuar përparimin e bërë. Reformat do të vazhdojmë ti mbështesim. Mbetemi thellësisht të përfshirë në forcimin e SHÇBA, duke ofruar trajnime. Ne përshëndesim përpjekjet e KLGJ dhe Gjykatën e Lartë, për të vendosur funksionalitetin. Presim me kënaqësi të shohim më shumë rezultate, janë të nevojshme për ju e për të ardhmen tuaj. Jemi krenar që jemi krah jush.”