COVID-19, rritje e ndjeshme e shifrave, Gjermania kufizon lëvizjet

Dy familje dhe 10 pjesëmarrës do të jetë kufiri i vendosur për ngjarjet private të organizuara në ato zona të Gjermanisë që janë përkufizuar si pika të nxehta të COVID-19. Ky vendim vjen pas takimit të kancelares gjermane, Angela Merkel, me kryeministrat e 16 landeve pasi Instituti Robert Koch konstaton një rritje të përshpejtuar të numrit të transmetimeve të koronavirusit në popull, në Gjermani.

“Gjithashtu, pubet dhe restorantet, në këto zona të nxehta, do të mbyllen në orën 23:00,” shtuan ata.

Rregullat e reja do të zbatohen në rajone me më shumë se 50 infeksione të reja për 100.000 banorë brenda një jave.

Ndryshe, Institutit Robert Koch, RKI, raporton 5.132 të infektuar për sot. Kjo shifër ishte më e lartë se 1000 raste më shumë se një ditë më parë. Hera e fundit kur shifrat qenë kaq të larta sa tani, ishte mesi i prillit. Sidoqoftë, vlerat nuk mund të krahasohen me njëra-tjetrën, sepse tani kryhen në mënyrë të konsiderueshme më shumë teste – dhe kështu zbulohen më shumë infektime. “Aktualisht, mund të vërehet një rritje e përshpejtuar e numrit të transmetimeve të virusit në popull në Gjermani. Prandaj, bëhet thirrje me këmbëngulje që e gjithë popullata të angazhohet për mbrojtjen nga infektimi,” thekson Institutit Robert Koch.