Mediat serbe: Vuçiç afrohet me SHBA, Putin anulon vizitën në Serbi!

Presidenti i Rusisë, Vladimir Putin, nuk do të vizitojë Beogradin në muajin tetor, ashtu siç kishte paralajmëruar Presidenti i Serbisë, Aleksandar Vuçiç, past takimit me Putinin në Rusi.

Duke ju referuar burimeve diplomatike, e përditshmja serbe “Danas” raporton se Rusia nuk është e kënaqur që së fundi Serbia është afruar shumë me SHBA-në rreth politikës së jashtme, në veçanti pas takimit të 4 shtatorit në Washington ku u firmosën zotime nga Serbia e Kosova për normalizim ekonomik.

“Marrëveshja në Shtëpinë e Bardhë shënon dhe një kthesë në humbjen e ndikimit të Rusisë në Ballkan, gjë që e nervozon Kremlinin. Serbia po e zgjidh çështjen me Kosovën pa pjesëmarrjen e Rusisë dhe po afrohet me SHBA-në, e cila po rritet në kurriz të Rusisë,” është shprehur burimi për të përditshmen serbe “Danas”.

Ndryshe, Aleksandar Vuçiç gjatë vizitës së tij në Moskë në muajin qershor, ishte shprehur se Vladimir Putin i ka konfirmuar vizitën gjatë muajtur tetor duke e kosnideruar si ngjarje madhështore.