Dorëzimi i mandatit nga Tahiri/ Berisha: E inskenuar nga Rama, ja kush është koka e krimit

Ish-kryeministri Sali Berisha, ka deklaruar sot se Sajmir Tahiri vendosi të dorëzojë sot mandatin, vetëm pasi u sigurua mirë që Rama është sot edhe kryeprokuror edhe kryegjykatës. Në një intervistë për tv Klan, ish-kreu i qeverisë deklaroi se kjo është një lojë e qartë mafioze.

‘Edi Rama është vetë kryegjykatës dhe kryeprokur. Pikërisht se Rama është kryegjykatës dhe kryeprokuror, ndodhi kjo që ndodhi sot. Pse nuk ndodhi kjo kur Rama nuk ishte kryeprokuror dhe kryegjykatës. Pse Rama refuzoi dhe votoi kundër heqjes së imunitetit të tij dhe i bëri të gjitha këto kur mori në dorë frenat e prokurorisë. Për europën për partnerët është shumë e qartë se Rama është noriega i Shqipërisë’, u shpreh Berisha.

Ish-kryeministri Sali Berisha, në një intervistë të dhënë për Tv Klan, e ka cilësuar dorëheqjen e Saimir Tahirit si një teatër të inskenuar prej Edi Ramës.

Sipas ish-kryeministrit,  Tahiri dëshmoi qartë sot para ndërkombëtarëve, se Edi Rama është koka e krimit në Shqipëri, ndërsa shtoi se Tahiri i dha një mesazh të qartë shefit të tij, se nëse flet atëherë unë do të tregoj gjithçka.

‘Dorëzimi sot i mandatit të Saimir Tahirit, ishte dëshmia më flagrante para shqiptarëve BE,së dhe partnerëve ndërkombëtarë se Rama është kryekumbari i mafies shqiptare, i mafies ballkanike e më gjërë. Akti i sotëm i Saimir Tahirit për çdo njeri9 që ka ndjekur politikën shqiptare ëhstë një akt për ti hedhur hi syve partnerëve tanë të cilët i treguan Ramës kartonin e kuq. Nuk është absolutisht e vërtetë se ata kërkuan kokën e Saimir Tahirit sepse ata naivë nuk janë. Ata e dinë se kryekumbar në Shqipëri është njeriu i cili refuzoi për herë të parë heqjen e imunitetit dhe arrestimit e ish-ministrit të brendshëm për akuza shumë të rënda nga antimafia italiane dhe prokuroria shqiptare. Është njeriu i cili i dha pasaportën Tahirit, liroi Sotën që kishte mijëra euro në makinë. Pasi ekstradoi dëshmitarin, dhe pas një takimi që u njoftua nga mediat në një spital në Tiranë, u ra dakord që Saimir Tahir për të shpëtuar komnë  e Ramës të dorëzohej. Apsolutisht një marrëveshje të plotë, por marrëveshje sipas kockave mafioze.

Së pari Rama pas të gjitha atyre masave, u shndërrua në avokatin e Mogherinit ku tha nuk asnjë të dhënë prokuroria për Saimir Tahirin.

Së dyti arriti në shkallën më të madhe të mbrojtjes dhe mashtrimit kur tha në Bundestagun gjerman se Saimir Tahiri nuk ka asnjë lloj imunitetit. E gjitha kjo dëshmon qartë, s kjo është një ujdi midis tyre. Saimir Tahiri ka vetëm një kryefjalë: Edi Rama po guxove të thuash një fjalë në kancelari, unë në burg do të them gjithçka për ty. Saimir Tahiri i ka çuar plumbin në zarf Ramës, duke i thënë guxo dhe fol për ato që kemi rënë dakord, por kjo po kuptohet jashtë. Sot europa kërkon kokën e Edi Ramës, sepse e dinë që është kapo i meduzës. Rama është bojkotuar nga grupi më i madh i deputetëve gjerman të cilët refuzuan darkën që Rama do të shtronte për ta.

Unë po ju ju rikujtoj një deklaratë të zëdhënësit të Bundestagut ku thotë se para se BE të miratojë hapjen e negociatave për Shqipërinë, prodhimi dhe trafikimi i drogës në vend duhet të ulet në mënyrë drastike. Të gjithë e dinë që është 10-fishuar. Gjyqësori duhet të jetë i pavarur politik, sot gjyqësori është më i varur se kurrë. Asnjë mandat politik nuk duhet të ekzistojë nëse ndaj personit ka urdhër arresti apo tashmë është dënuar. Kjo deklaratë nuk është e djeshmja, por e datës 13.12.2016, dhe është një ditë mbasi ministrat e jashtëm vendosën për hapjen e negociatave.

Europa e ka të qartë se prapa mosplotësimit të këtyre kushteve qëndron Edi Rama. Nuk mundet një ministër të kanalizojë gjithë vendin nëse nuk është në dorë të kryeministrit. Nuk mundet kurrë një ministër të fusë gjyqësorin në dorë, këtë e ka bërë vetëm Edi Rama. Të gjithë ministrat që janë akuzuar kanë pasur kurajën dhe kanë kërkuar vetë heqjen e imunitetit dhe është votuar në parlament. Kurse Tahiri nuk u votua në parlament. KY është një akt mes dy kockave mafioze. Lavdërime s’mund të bënte Tahiri për opozitën. Por ai nuk mund ti thotë opozitës se po blen ambasadorë. Tahiri nuk ka asnjë fakt për opozitën. Ai është një bandit që nga dita e parë që hyri në pushtet, por kryebandit është Edi Rama’, u shpreh ish-kryeministri Berisha.