Replika Basha-Rama, nga gropa Hajdinë Sejdisë deri te grepi i Likes e tigani Monës!
Kryeministri Edi Rama ka marrë menjëherë përgjigje nga Kryetari i Partisë Demokratike, Lulzim Basha, si për politikën e vjetër ashtu dhe vendin që e ka mbushur me plehra dhe inceneratorët që djegin vetëm milionat që ka zhvatur Rama nga xhepat e shqiptarëve.
“Politika e vjetër ka erën e gropës së Hajdin Sejdisë ku nuk vure dorë 11 vjet si kryetar bashkie, ka fytyrën e zërin tënd që për 7 vjet e mbushe vendin me plehra dhe me inceneratorë që djegin vetëm milionat që ke zhvatur nga xhepat e shqiptarëve,” tha Lulzim Basha në reagimin e tij përmes rrjetit social Twitter duke i bërë të qartë Edi Ramës se dita e llogarisë po afron!
Por akuzat e Bashës për vjedhje nga ana e Kryeministrit Edi Rama, ky i fundit i përkthen në gallatë dhe vetëm përgjigja mungos se ku u tretën gjithë ato miliona lekë.
Ah Lul, të ka mbet ora tek Gropa e Hajdin Saliut, po habitem si s’e kupton që sa më shumë sulmon impiantet moderne të mbetjeve, aq më shumë tregon se nuk ndahesh dot nga malet me plehra të Sali Hajdinit!” shprehet Edi Rama përmes rrjetit social Twitter duke përfunduar:
Ta qaj hallin, je mes gropës së tij dhe grepit të Likes për tiganin e Monës!
Ndryshe, përgjigja e Kryeministri Edi Rama është në vazhdën e përgjigjeve që ai jep për akuzat nga opozita edhe kur ato janë konkrete, madje nuk ka ndryshuar asgjë edhe kur Edi Rama dhe bashkëpunëtorët e tij janë kallëzuar penalisht dhe në SPAK.
