Video/ “Fasadë e Edi Ramës”, edhe Kryeministri i bënë avokatinë Komitetit Teknik të Ekspertëve

Pas Komitetit Teknik të Ekspertëve edhe Kryeministri Edi Rama u mundua të bindë opinionin se nuk janë ata që i nënshtrohen urdhërave të Edi Ramës, ndërsa deklaratat e Kryetarit të Partisë Demokratike, Lulzim Basha, i cilëson shpifje ndaj ekspertëve të Komitetit Teknik.

Por këtë avokati Edi Rama e bënë në mënyrën e vetë artistike duke dhënë detaje mbi biografinë e mjekëve të Komitetit Teknik dhe të gjithë shqiptarëve në karantinë që vuajtën masat e humorit të Kryeministrit sot i quan edhe strategji për të luftuar COVID-19 që i përcakton ky Komiteti që pato frikë të kundërshtoi vendimet e Facebookut të Ramës ndonëse nuk kishin lidhje me realitetin dhe largë qoftë mjekësinë.

“Kush janë ekspertët e Komitetit Teknik që përcaktojnë strategjinë e gjurmimit të Covid19 dhe udhëzojnë qeverinë në çdo hap për masat e nevojshme kundër Armikut të Padukshëm,” thekson në reagimin e tij Kryeministri Edi Rama duke e shoqëruar edhe me një video.

Ndryshe, pas deklaratës së Kryetarit të Partisë Demokratike, Lulzim Basha, se Komiteti Teknik i Ekspertëve është fasadë e Edi Ramës dhe nuk thotë të vërtetën për shifrat e koronavirusit, ka reaguar Komiteti duke bërë dhe politikë. Përkundër vendimeve absurde që publikoheshin nga Edi Rama dhe këta ekspertë nuk i kundërshtuan në mënyrë shkencore, Komiteti u mundua të bind Bashën dhe opinionin publik se nuk është fasadë e askujt, por përbëhet nga profesionistë të fushës, që po i shërbejnë qytetarëve shqiptarë në këtë kohë të vështirë të pandemisë së koronavirusi ndërsa i bënë thirrje Lulzim Bashës që të tërheqë akuzat.