Pa asnjë arsye, SHBA: Në Nevada u ndërpre numërimi

Pa dhënë asnjë arsye, Divizioni i Zgjedhjeve i Sekretarit të Shtetit të Nevadas ka bërë të ditur se do ta ndërpresë numërimin e votave për zgjedhjet presidenciale deri më 5 nëntor.

” Ja çfarë është numëruar deri më tani: Të gjitha personalisht votat e parakohshme, Të gjitha personalisht votat e Ditës së Zgjedhjeve, Të gjitha fletët e votimit me postë deri më 2 nëntor,” sqaron Divizioni i Zgjedhjeve përmes rrjetit social Twitter duke përfunduar:

Ja çfarë mbetet për të numëruar:

“Votimet me postë të marra në ditën e zgjedhjeve, Votimet me postë që do të merren gjatë javës tjetër, Votimet e përkohshme,” thuhet në njoftimin për ndërprerjen e numërimit duke shtuar se fletëvotimet e papërdorura është e vështirë të vlerësohen në Nevada sepse çdo votuesi iu dërgua me postë fletëvotimi. Padyshim, jo të gjithë do të votojnë!

Ndryshe, në momentin e ndërprerjes së numërimit të votave, rezultati ishte shumë i ngushtë ndonëse në epërsi ishte kandidati demokrat Joe Biden.

Pra, nga numërimi i 67 për qind të votave rezulton se kandidati demokrat Joe Biden ka 588.252 vota përkatësisht 7.647 vota më shumë se presidenti aktual Donald Trump.

Fitorja në shtetin Nevada, kandidatit presidencial i jep 6 vota elektorale.

Ndryshe, sipas njoftimi, vazhdimi i numërimit të votave pritet të filloj nesër më 5 Nëntor në orën 9:00.