Banane me kokainë/ droga me kontejner erdhi nga Ekuadori…
Rreth 30 kilogram kokainë e cila erdhi me anije nga Ekuadori, është konfiskuar në kontejner me banane në portin e Tivarit.
Sipas të përditshmes malazeze “Vijesti”, drogën e kanë zbuluar doganierët në Portin e Tivarit. Ata kanë filluar kqyrjen e vendit dhe më pas do të përcaktohet sasia e saktë e kokainës e cila është fshehur në mesin e bananeve.
“Kokaina është gjetur në kontejnerin Maersk. Gjatë një kontrolli rutinë janë konstatuar disa anomali, e më pas me skaner është zbuluar një sasi e madhe e kokainës,” theksuan për gazetën nga Drejtoria e policisë në portin e Tivarit kur anija me drogë arriti në Port of Adria.
“Brenda një javë në portin e Tivarit arrijnë rreth 50 kontejner me banane. Në këtë port arrijnë banane për tregun e Malit të Zi, Kosovës, Serbisë, Bosnje Hercegovinës. Bananet zakonisht ngarkohen në portin Guajakil, e Maersk është kompani transporti e cila e shpërndanë bananet nëpër botë. Importues i këtij malli është Voli,” është shprehur për gazetën një burim nga kreu i Drejtorisë së policisë.
Policia është shprehur se po shqyrtojnë nëse shoferi i kamionit është i implikuar në trafikun e drogës.
Ndërkohë kompania Voli i është përgjigjur pyetjes së të pëditshmes “Vijesti” duke përgënjeshtruar lajmin se droga është gjetur në ngarkesën e tyre.
“Të nderuar, duke u bazuar në pyetjen që keni dërguar, kontaktuam transportuesin tonë i cili na informoi se brendësia e kontejnerit me të cilën është transportuar ngarkesa me banane për kompaninë Voli është plotësisht e pastër. Bananet i importojmë nga partneri jonë shumëvjeçar. Kompania Voli në asnjë mënyrë nuk është e implikuar në çfarëdo lloj incidenti, ashtu si edhe ky rast nuk ka lidhje me neve dhe biznesin tonë,” thekson Olivera Shushkavçeviç nga kompania Voli.
