Fshehja e vdekjeve nga COVID-19, Ish-Ministri: Qeveria, autor i manipulimeve!
Pas denoncimit nga Kryetari i Partisë Demokratike, Lulzim Basha, të fshehjes së numrit të vdekjeve nga COVID-19 dhe heshtjes së organeve të drejtësisë për ditë të tëra, ka reaguar Ish-Ministri i Shëndetësisë, Prof.Dr.Arben Beqiri, duke kërkuar hetimin e menjëhershëm nga prokuroria, kur dhe do të bëhet e qartë se autori i manipulimeve me numrat e vdekjeve është Qeveria.
“Sa më shpejt që të hetoje prokuroria aq më shpejt do të bëhet e qartë se është qeveria dhe direktivat e saj autori i manipulimeve me statistikat, numrat, vdekjet! Sa më shumë kohë kalon, aq më shumë qeveria do përpiqet të ndërtojë skenarë për të fajësuar mjekët. E vërteta është një, të tjerat janë opinione,” thekson kirurgu i njohur shqiptar duke shtuar se Kryeministri dhe Ministrja e Shëndetësisë janë të vetmit të interesuar që situata të fshihet madje të paraqitet më e mirë se në Gjermani!
Një mjek hetohet edhe për një pacient të vetëm, një kartelë të vetme, një skedë vdekjeje të vetme! Kështu ka qenë e kështu do të jetë, thekson Profesori i kirurgjisë, por kur me dhjetëra e qindra raste dalin nga morgu të pareferuar si covid, e vetmja që duhet të hetohet është qeveria! Madje, ai është i bindur:
“Fshehja e të vërtetës nga qeveria është e qëllimshme. Ajo duhet të dënohet!”
Në fund, Ish-Ministri i Shëndetësisë, Prof.Dr.Arben Beqiri thotë se mjafton një fakt që nuk referohet asnjëherë nga qeveria kur raportohet numri i të shëruarve, numri i pacientëve të ekstubuar, ndërsa përfundon:
“Kjo e vë mjekësinë tonë në nivele të mjerueshme, por edhe heronjtë tanë nuk i nderon. Si mund te justifikohet kjo!”
Reagimi i plotë:
Sa me shpejt qe te hetoje prokuroria aq me shpejt do te behet e qarte se eshte qeveria dhe direktivat e saj autori i manipulimeve me statistikat, numrat, vdekjet! Sa me shume kohe kalon, aq me shume qeveria do perpiqet te ndertoje skenare per te fajesuar mjeket. E verteta eshte nje, te tjerat jane opinione: Kryeministri dhe Ministrja e Shendetesise jane te vetmit te interesuar qe situata te fshihet madje te paraqitet me e mire se ne Gjermani!
Nga ana tjeter nje mjek hetohet edhe per nje pacient te vetem, nje kartele te vetme, nje skede vdekjeje te vetme! Keshtu ka qene e keshtu do te jete. Por kur me dhjetra e qindra raste dalin nga morgu te pareferuar si covid e vetmja qe duhet te hetohet eshte qeveria!!!!
Mjeket mund te gabojne. Madje jam i sigurt qe me menyren se si jane organizuar sherbimet ne spitalet Covid, ku mungojne infermiere dhe mjeke ( nje vit me pare dhashe alarmin per largimin masiv te mjekeve dhe personelit te mesem drejt perendimit ne emisionin Opinion), kur shpesh sherbejne specializante te vitit te pare apo te dyte ndaj pacienteve më kompleks, gabimet jane prezente por ato jane individuale, te paqellimshme. Fshehja e te vertetes nga qeveria eshte e qellimshme. Ajo duhet te denohet!
Mjafton nje fakt qe nuk referohet asnjehere nga qeveria kur raportohet numri i te sheruarve, numri i paciente te ekstubuar!!!! Kjo e ve mjekesine tone ne nivele te mjerueshme, por edhe heronjte tane nuk i nderon!
Si mund te justifikohet kjo!!!
Por kur ne mungese te protokolleve qe ne fillimet e kesaj pandemie perdoren si lume antibiotike dhe kur vjen momenti i intubimit asgje nuk funksionon… rezultatet shihen!!! Prape pergjegjesi e qeverise dhe komitetit qe kane ecur ne amulli te plote……
