Lëkundje të forta të tokës në Shqipëri, ja ku ishte epiqendra…
Orët e para të ditës së sotme filluan me lëkundje të forta të tokës që u ndjenë në Gjirokastër dhe Sarandë.
Qendra Sizmologjike Mesdhetare, EMSC, raporton për një tërmet i cili ra në orën 01:53, me magnitudë 4.1 të shkallës Rihter dhe thellësi 5 km.
Pas përpunimit të të dhënave, EMSC raporton se epiqendra e tërmetit ishte 19 km nga qyteti i Gjirokastrës dhe 117 km nga Elbasani.
Ndërkohë Instituti i Gjeoshkencave në Tiranë, IGJEUM, raporton për një tërmet me magnitudë 3.6 të shkallës Rihter, me epiqendër në Tatzat, 20 km në Veri të Sarandës.
Nuk raportohet për dëme materiale.
