Emigrantë shqiptarë/ Të parët në Evropë, Basha: Ne do ta ndryshojmë Shqipërinë!

Edi Rama premtoi punësim për shqiptarët por sot numri i të larguarve nga Shqipëria është më i larti në Evropë, thekson Kryetari i Partisë Demokratike, Lulzim Basha, pas raportit të OECD duke u zotuar se Partia Demokratike do të kthejë shpresën për shqiptarët, do ta ndryshojë Shqipërinë.

“Ju kujtohet kur Edi Rama premtoi 300 mijë vende pune. Që prej vitit 2014 qindra mijë shqiptarë kanë emigruar në vendet e Bashkimit Europian. Kjo është arsyeja kryesore pse renditemi të parët për nga numri i azilkërkuesve në vendet e BE-së,” shprehet Lulzim Basha në reagimin e tij përmes rrjetit social Facebook shoqëruar dhe me një video ndërsa përfundon:

“Nëse nuk e ndalim sot Shqipëria do të plaket dhe tkurret gjithmonë e më shumë. Ne kemi një plan konkret, Ne do ti rikthejmë Shqipërisë punën!”