Basha: Shqipëria në BE me largimin e Ramës dhe zgjedhje të lira e të ndershme

Largimi i Ramës dhe organizimi i zgjedhjeve të lira dhe të ndershme. “Kjo është zgjidhja sipas kryetarit të PD, Lulzim Basha sepse nuk ka BE me qeveri mafioze që vepron me kodet e mafias dhe tani është provuar se Edi Rama është pengesa e vetme drejtëë Bashkimit Evropian.

“Dorëzimi i mandatit nga Tahiri, është konfirmim se është lojë e të dyve bashkë. Saimir Tahiri rezistoi; Rama i ktheu deputetët në gjyqtarë; Tahiri e shfrytëzoi imunitetin për të shkatërruar provat kyçe dhe transferoi thasët me euro. E vetmja gjurmë janë 860 mijë eurot në makinën e Orest Sotës. Sot të gjithë e kanë të qartë pse Edi Rama nxitoi të kapte Prokurorin e Përgjithshëm. U eliminua dëshmitari kyç i bandës së Habilajve, ai që bënte pagesat, Nazer Seiti. Askush nuk është vënë para drejtësisë.”

Pas presionit të drejtpdrejtë nga Gjermania u dorëzua mandati, por Tahiri mbetet në dorë të Edi Ramës dhe Rama në dorë të Tahirit, tha Basha:

“A ka njeri ta besojë se Tahiri do të kanalizonte vendin pa bekimin e Ramës? Sepse Ramë si duheshin milionat për të blerë zgjedhjet dhe ndaj pengon me çdo kush zbardhjen e së vërtetës në komisionint hetimor Tahiri. Skema vazhdon me tonelatat e skafeve të kanabisit mëngjes për mëngjes e darkë për darkë.  Xibraka dhe Maminasi janë provat e forte,” tha Basha duke folur për gjendjen alarmante në vend e cila ka vetëm një zgjidhje:

“Ajo që duhet dhe i hap rrugë drejtësisë është dorëheqja dhe largimi i Edi Ramës. Nuk ka Bashkim Europian me qeveri mafioze që vepron me kodet e mafias. Edi Rama është provuar tani si pengesa e vetme në BE dhe zgjidhja është largimi i Ramës dhe organizimi i zgjedhjeve të lira dhe të ndershme.”