Propagandë me fatkeqësinë, Basha: Problemi, Edi Rama! Zgjidhja: Ta largojmë!
Plotë dy orë të Kryeministrit Edi Rama me ministrat përkatës për ta bindur opinonin publik se sa mirë e kishte menaxhuar situatën me përmbytjet edhe pse kishte më shumë reshje se kurrë më parë, Kryetari i Partisë Demokratike i cilëson propagandë dhe mashtrim ndërsa akuzoi Ramën se nuk po i ofron ndihmë banorëve të prekur nga përmbytjet, që vazhdojnë të jenë mes ujit dhe pa ushqim.
“Gjatë ditëve të kaluara kam qenë me disa prej jush në zonat e përmbytura, kemi parë dëmet e mëdha dhe vështirësitë që po kalojnë njerëzit. Edhe sot që flasim mijëra banorë dhe shtëpitë e tyre janë në ujë. Janë me mungese të ujit të pijshëm, pa ushqime apo vuajnë për aksesin për të dalë nga shtëpia, s’kanë as medikamente. S’po flas vetëm për zonën e ultësirat. Kryetarja e bashkisë së Shkodrës, ndonëse në rreth politik, jemi përpjekur që të bëjmë gjithçka. Kjo është e vetmja qeveri në botë që fatkeqësinë e sheh për propagandë. Ulen dy orë dhe njeriu që ka 8 vite kryeministër, 8 vjet përgjegjës, na tregon historikun e reshjeve në 20 vitet e fundit. E di gjithë Shkodra, që ka vite që s’bie shi dhe uji erdhi nga kaskada,” tha Lulzim Basha duke shtuar se njerëzit janë të përmbytur dhe ky vazhdon që t’ju vërë fajin të tjerëve:
“8 vite propagandë. Kush ka qenë kryeministër në këto 8 vite? Kush i ka pasur në dorë miliarda euro për të zgjidhur këto probleme. Ata njerëz përveç pandemisë dhe përmbytjeve, iu është shtuar një ditë e acartë dhe del sot pa pikë turpi sikur ka ardhur dje kryeministër. Kush e ka përgjegjësinë? Çfarë po bën për t’ju ardhur në ndihmë? Ky që ka përgjegjësin ëme ligj, ulet 2 orë dhe bën propagandë me fatkeqësinë. 8 vite dështim dhe propagandë.”
Nuk ka shqiptarë, tha lideri i opozitës, që nuk e kupton se ky njeri është problemi i vendit, por ka një zgjidhje:
“Të bëhemi bashkë e ta largojmë. Kush është njeriu që 8 vite ka qenë kryeministër, që ka pasur të gjitha pushtetet, është në fund të mandatiti njerëzit janë deri në brez në ujë. Viti i dytë që i gjen njerëzit në çadra. Ka ardhur koha ta largojmë të kemi një qeveri të përgjegjshmë.”
Probleme ka e do ketë, detyrë e qeverisë është të bëjë gjithçka që të ndihmojë njerëzit, tha Kryetari i Partisë Demokratike, Lulzim Basha, duke konstatuar se në këtë detyrë, Edi Rama ka dështuar e sot përmbytjet po i kthen në shfajësim për vete e propagandë ndërsa përfundoi:
“Uroj, shpresoj dhe kam besim shumë të madh që edhe ky mësim i sotëm i një qeverie dhe një kryeministri të mbytur në dështimet e tyre të njëpasnjëshme, të intoksikuar nga propaganda do të mundësojë që 25 prilli të jetë dita e një ndryshimi të madh e rrënjësor dita kur të kemi një qeveri që të mendojë për njerëzit si në ditë të mira, ashtu edhe në ditë të këqia.”
Ndryshe, sot kur mijëra shqiptarëve u janë përmbytur shtëpitë, mijëra hektarë të tokës bujqësore janë nën ujë, Kryeministri Edi Rama me ndihmën e ministrave të sapozgjedhur të Mbrojtjes Niko Peleshi dhe Bujqësisë Milva Ekonomi u munduan ti bindin të gjithë ata që janë prekur nga përmbyjtet, se sa mirë jetjojnë, dhe këtë “të mirë” e krahasuan me vitin 2010, duke manipuluar shifrat e reshjeve, prurjeve dhe prodhimit të energjisë elektrike.
