Parashikimi i motit për datë 23 Janar, ja çfarë pritet

Parashikimi i motit për datë 23 Janar:

Sot priten reshje intensive por lokalisht shumë intensive në qarqet Shkodër, Kukës, Vlorë dhe Gjirokastër. Ndërsa në pjesën tjetër të qarqeve priten reshje mesatare. Reshjet pritet të jenë të shoqëruara dhe me shtrëngata.

Në veri dhe verilindje të vendit, sot priten të jenë edhe në formë dëbore në lartësitë më të mëdha se 500 mbi nivelin e detit.

Sipas llogaritjeve të IGJEUM, përgjatë dt. 23-26 Janar 2021 priten reshje intensive të cilat do të jenë më të përqëndruara në veri dhe në jug të territorit.

Nga llogaritjet hidrologjike të IGJEUM, këto reshje do të sjellin rritje të prurjeve dhe niveleve në Lumenjtë Drin-Buna, Liqenin e Shkodrës dhe Lumin Vjosa.

Në pjesët e sipërme të këtyre baseneve lumorë, mund të ketë vërshime të shpejta të përrenjve dhe lumenjve më të vegjël të shoqëruara edhe me
rrëshqitje të dherave, kryesisht në qarqet Shkodër, Kukës, Vlorë dhe Gjirokastër. Lumenjtë e tjerë do kenë rritje të prurjeve por parashikohen me rrezik më të ulët nga përmbytjet.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 12 / 13 °C

Në vendet e ulëta: 10 / 13 °C

Në vendet malore: 2 / 7 °C