Demokratët dështojnë në Senat, gjyqi kundër Trumpit nuk votohet!

Ndonëse e kaluan në Dhomën e Përfaqësuesve, demokratët nuk arritën të bindin senatorët republikanë për procedimin e gjyqit të Ish-Presidentit të SHBA, Donald Trump.

Vetëm pesë nga 50 senatorët republikanë iu bashkuan 50 demokratëve të Senatit për miratuar akuzat për nxitje të trazirave vdekjeprurëse në ndërtesën e Kongresit amerikan, më 6 janar, akuza këto që deri më 8 Shkurt kur është menduar të filloi gjyqi do të ngelen në zyrën e Pelosit!

Edhe para këtij votimi procedurial i cili u zhvillua të martën, të gjitha mediat amerikane që deri më 20 Janar nuk u ngopën me propagandën kundër Presidentit Trump, para seancës së votimit në Senat parashikuan një mision të pamundur votimin e gjyqit të Donald Trump, pasi duhej bindur 17 senatorë republikanë për të arritur shumicën minimale prej 2/3 ndërkohë ata e cilësojnë mashtrim, kushtetues.

Ndryshe, Dhoma e Pelosit ka votuar për shkarkimin e Presidentit Trump, pak ditë para se ai të përfundonte mandatin, më 20 janar. Demokratët akuzojnë Presidentin Trump se me fjalimet e tij ka nxitur mbështetësit që të sulmojnë Kongresin, trazira këto ku mbetën të vdekur pesë persona.

Kjo përpjekje e demokratëve me në krye Pelosin, arriti sukses vetëm tek bossët errjeteve sociale që morën guximin ti mohojnë fjalën e lirë edhe Presidentit të SHBA. Të tjerët ngelën të ndarë ashtu siç janë në Senat.

Senatori nga Kentucky, Rand Paul, propozoi votimin nëse Senati do të duhej të vazhdonte me gjyqin, duk e quajtur mashtrim antikushtetues. Logjika e senatorit republikan, Paul ishte se Senati nuk mund të zhvillojë një gjyq ndaj një qytetari privat, që Donald Trump tani është pasi mandati i tij mbaroi më 20 Janar.

Edhe kjo logjikë u kundërshtua por jo aq sa duhet, pasi demokratët nuk arritën të marrin 67 vota për të miratuar në Senat akuzat e tyre kundër Donald Trump.