Parashikimi i motit për datë 9 Shkurt, ja çfarë pritet

Parashikimi i motit për datë 9 Shkurt:

Në qarkun Shkodër priten reshje intensive deri lokalisht shumë intensive ndërsa në qarqet Kukës, Lezhë dhe Vlorë mesatare deri lokalish intensive.

Në qarqet Dibër, Durrës, Tiranë, Elbasan dhe Gjirokastër priten reshje mesatare ndërsa në qarqet Fier, Berat dhe Korçë priten reshje të dobëta deri lokalisht mesatare të shoqëruara me shtrëngata.

Sipas llogaritjeve të IGJEUM, nga data 8 deri 12 Shkurt 2021, si pasojë e reshjeve intensive dhe shkrirjes së dëborës në basenet e lumenjëve Drin dhe Buna, pritet rritje e prurjeve dhe rrezikut të përmbytjeve, në zonën e NënShkodrës edhe zonave afër Liqenit të Shkodrës. Në lumenjtë e tjerë në gjithë territorin, pritet gjithashtu rritje e prurjeve.

Era pritet të fryjë e fortë deri shumë e fortë në bregdet dhe veri të vendit.

Temperaturat minimale dhe maksimale:

Në bregdet: 11 / 14 °C

Në vendet e ulëta: 5 / 13 °C

Në vendet malore: 3 / 10 °C