Gafur Mazreku shpallet Qytetar Nderi/ Apeli drejtuar Prefektit: Mos mirato vendimin…

Kryetari i Këshilltarëve të djathtë në Këshillin Bashkiak të Hasit, Miftar Dauti, ka dënuar sot përmes një deklarate vendimin e këshilltarëve të majtë për shpalljen “Qytetar Nderi” të Gafur Mazrekut, i dënuar nga gjykatat shqiptare, si atentator i Azem Hajdarit, ngjarje e ndodhur në sallën e Kuvendit të Shqipërisë, në 1997.

“Vendimi është i jashtëligjshëm pasi vendimi është marrë pa prezencën e këshilltarëve të djathtë. Ne kërkuam 5 minuta pushim për konsultime, ndërkohë këshilltarët e majtë e kanë miratuar propozimin e administratës së bashkisë. i bëj thirrje prefektit që të mos e miratojë këtë vendim”, u shpreh Miftar Dauti, kryetar i këshilltarëve të djathtë.

Mazreku u shpall qytetar nderi me motivacionin ‘Personalitet me kontribut në pushtetin vendor’.