Për mandatin e tretë, Edi Rama i la shqiptarët pa heronj! Iku dhe Ing.Bozo…

Fillimisht mbi 300 shqiptarë i la pa atdhe! Atyre që vazhduan të jetojnë aty ku kanë lindur Edi Rama i la pa bukë, pa shtet, e tashmë edhe pa shpresë duke i lënë pa heronjtë e tyre vetëm e vetëm që ai të marrë mandatin e tretë qeverisës.

Shumë akuza u derdhën mbi Komitetin e Ekspertëve që zyrtarisht thuhej se menaxhonin pandeminë ndërsa vendimet i merrte Kryeministri Edi Rama. Shumë nga familjarët akuzonin mjekët e këtij Komiteti që ishin pjesë e Spitalit Infektiv për vdekjet nga COVID-19 dhe fshehjen e tyre. Duke përdor brishtësinë e një femre, Edi Rama përdori Dr.Najada Çomon si shefe të këtij reparti për ti bindur shqiptarët se asgjë nga çka thuhej nuk është e vërtetë. Por dje e gjithë piramida e kësaj të vërtete u rrënua kur Dr.Najada Çomo u shpall kandidate për deputete e Partisë Socialiste dhe sot Kryeministri Edi Rama e vulosi duke bërë ndarjen edhe ndër mjek, socialist e demokrat! Dr.Çomo vazhdon e hesht por fatkeqësisht heshti edhe ajo që shqiptarët i besuan në ditët e tmerrshme të pas tërmetit të 26 Nëntorit 2019, Ing.Luljeta Bozo, pasi e kishin krijuar idenë se doli nga hiqi.

Jo, jo, nuk doli, tashmë është e qartë se e përdori Edi Rama, siç e përdori edhe sot, dhe ajo mbylli gojën duke mos kundërshtuar as këtë banalitet, sepse kishte ardhur të zyrtarizohet si deputete e PS, përkatësisht fatkeqësisë shumë më të madhe se sa tërmeti, Edi Ramës.

Dhe, sapo veshi petkun e deputetes socialiste filloi të gënjej!

Ndoshta u magjeps nga motoja “Rindërtimi nuk ndalet” dhe i besoi Kryeministrit Edi Rama kur iu drejtua qytetarëve të pavendosur se nëse më 25 prill votojnë opozitën, rindërtimi do të këputet, ama kur u arsyetua dhe pyeti nëse ka kompani që ndërton një pallat për 15 muaj, të paktën Ing.Bozo që deri në atë moment se kishte veshur petkun socialist, e kishte për borxh t’ia thoshte se nuk ka dhe ishte ai që gënjeu miletin se vitin e ri 2020 do ta prisnin në shtëpitë e tyre të reja.

Ja që nuk e pritën, ja që gënjeu Kryeministri Edi Rama, ja që heshti edhe Ing. Lulejta Bozo madje gënjeu edhe ajo vetë duke thënë se shtëpitë e reja janë plotësisht dhuratë nga qeveria!

“Kanë kaluar vetëm 15 muaj dhe a mund të ma thoni ku është një kompani, një ndërtues, që e ndërton një pallat për 15 muaj. Në rastin më të mirë projekti zgjat dy vjet, nga fillimi i hartimit të tij. Shumë kush flet se erdhën zgjedhjet dhe prandaj po punoni, jo! Të gjitha këto që sot janë kantiere të hapura nëpër Shqipëri, janë punë të nisura dy-tre-katër-pesë vite më parë. Ndërkohë që kantieret e rindërtimit jo që nuk janë të vonuara, por janë në një ritëm që është absolutisht një ritëm për të cilin ne jemi të qetë, një ritëm optimal. Për të arritur deri në kantier na është dashur të trajtojmë pafund dokumente pronësie.

Unë jam shumë krenar që ne po ju kthejmë nxënësve, prindërve, mësuesve, shkolla, kopshte, çerdhe, që krahasohen me ato që ishin dhe që ata humbën, po aq sa mund të krahasohet dita me natën. Shkolla, kopshte e çerdhe që mund të gjenden kudo në vendet e BE,” tha Edi Rama duke shtuar se procesi i rindërtimit është procesi i konfirmimit të ambicies së tij:

“Procesi i vërtetimit të vërtetësisë së fjalës sonë se ne nuk do të lëmë kurrë asnjë vetëm, është procesi i nxjerrjes në pah të një dallimi shumë të madh mesh nesh dhe atyre që pretendojnë të rikthehen për të marrë një mandat të pestë, pasi nuk kanë reflektuar asgjë, nuk kanë ndryshuar aspak.

Dhe, për rindërtimin nuk kishte se çfarë të gënjente Edi Rama më shumë se Arben Ahmetaj dhe lançoi deputetin e radhës nga koshi i heronjve, inxhinieren e ndërtimit, Luljeta Bozo.

“Më lejoni që të ftojë dikë që me siguri do ta njihni. E keni njohur në një momentet vështirë, kur ra tërmeti. Kur shpërndaheshin lajme të rreme për tërmetin që do të binte në orën filan e filan, nga ata të cilët shpifnin. Qytetarët kishin nevojë për zërin e dikujt që i lehtësonte dhe i qetësonte nga maja e një jete të gjatë profesionale, e një integritet të pacenueshëm moral në profesion. Një eksperiencë e gjatë si nënë dhe si gjyshe. Dua që Luljeta Bozo të jetë këtu me mua. Që Luljeta Bozo të mund të përcjellë idenë se ne kemi bërë shumë, por jo aq sa është mjaftueshëm për të thënë; oh sa mirë. Kjo vlen dhe për PS, por edhe për përpjekjet tona. Luljeta të falënderoj shumë për mundimin dhe ne sot jemi këtu për të bërë një përmbledhje të adresimit të plagëve të rënda që hapi tërmeti. Besoj për të gjitha këto arsye, vlen dhe për ato arsye që ne t’i shpjeguam. Je njeriu i duhur, në kohën dhe vendin e duhur. Jo vetëm për ato momente kur u bërë një nënë, motër, gjyshe e dashur për qytetarët. Por dhe në pjesën pas, pasi ndihma jote ka vazhduar dhe ka qenë e vyer,” tha Edi Rama duke folur për personazhin e ri që përdori në kohë krize dhe sot e dekoron për atë shërbim.

Dhe, sapo veshi petkun e deputetes socialiste Profesoresha e Inxhinierisë së Ndërtimit, Luljeta Bozo, filloi të gënjej. Rindërtimi tha po ecën mirë, shtëpitë e reja janë plotësisht dhuratë nga qeveria dhe qytetarët nuk u lanë në qiell të hapur.

”Më vjen shumë mirë, e kam thënë disa herë që qeveria e mori veten shumë shpejt. S’ngeli njeri pa strehë, pa ushqim. Nisën përpjekjet për fondet. Ato që kemi konstaktuar defekte, s’duhet të kishim as gjysmat e defektet, janë realizuar në këtë program. E filluam në zonat ku kishte shkatërrim më të madh.

Në zonat rurale, ku kishte shumë popullsi. Bashkëqytetarët e bashkëfshatarët të kenë mundësi të hynë sa më shpejt. Po të shikojmë si është zhvilluar ekonomia gjatë 2020, bujqësia ka mbajtur një peshë shumë të madhe. Ka dhënë kontribut për eksportet tona.

Është bërë shumë mirë. Por ishin dhe të shpërndara. Janë zbatuar të gjitha rregullat që t’i kemi këto shtëpi me jetëgjatësi sipas kodeve të ndërtimit. Me studimet, firma të specializuara. Faktikisht këta e kanë një dhuratë, të yshtin në një shtëpi të re është dhuratë, jo e rënë nga qielli. I kemi shembujt rreth e rrotull. Kemi Italinë fqinje, njerëzit janë ende në rulota.

Le që kërkojnë njëfare qiraje, kanë zënë një copë toke. Këtu jo vetëm s’paguajnë lekë, iu bënë shtëpia sipas standardeve. Po ecën mirë. Më vjen shumë mirë që në procesin e Rindërtimit, aty ku janë të grupuara është filluar ndërtimit sipas rregullave, si bota. Me infrastrukturë, vazhdon me shtëpitë, projekte shumë të sakta,” tha Ing.Luljeta Bozo duke dëshmuar se ka kohë që frekuenton këtë parti kriminale e cila nxiti “tokën e xanun”, i legalizoi dhe i shembi ato në mënyrë selektive ashtu siç bënë me rindërtimin që sot mburret!

Por, Ing.Bozo nuk u ndal me kaq!

“Ky proces personalisht po ecën shumë noramlisht, ndoshta ka nevojë për të treguar për ata që janë hezitues. Kujtojnë se bëhet menjëherë. Për të bërë një pallat duhet kohë. Teknologjia do kohë për të ngritur objektin. Njerëzit duhen sqaruar, shtëpitë nuk ngrihen me urdhërin e peshkut. Kemi pasur vështirësi me fondet. Në fillimet e veta ky program u bazua mbi buxhetin tonë. Di dhe nga eksperienca, që Europa ka shumë burokraci derisa të alokojë fondet. Njerëzit menduan se përderisa u dhanë lekët, do bëheshin menjëherë.

Mua më duket se po ecën mirë. U vu një vëmendje shumë të veçantë për shkollat. Ka shumë rëndësi. Sipas standardeve më të mira. Ka pasur edhe mbikqyrësa shumë të mirë, them që shumë shpejt këto plagët e tërmetit do riparohen dhe njerëzit duhet të jenë mirënjohës. Wshtë dhuratë e madhe. Jo të gjithë e bëjnë këtë. Duhet të jenë mirënjohës ndaj veprimeve shumë operative e të sakta. Ndoshta duhet të ketë më shumë, se thonë i vodhën fondet. Le të flasin me shifrat. Programi i Rindërtimit duhet të vijojë në një aspekt tjetër. Kemi disa drejtime, për një periudhë 10-20 vjeçare që jo vetëm ngre ekonominë.

Ti ke fuqi për të ecur përpara. Për të marrë farëra më të mira, teknikë më të mirë. Në këtë drejtim ka punë për të bërë në zonat rurale. Ne jemi shumë të pasur në minerale. Të kemi mundësi sa më shumë për të shfrytëzuar, dhe ka plot aspekte të tjera,” tha Ing.Luljeta Bozo, heroi i radhës së shqiptarëve që iku nën sqetullën e Edi Ramës duke i lënë pa shpresë kur ata kanë më së shumëti nevojë, kur për Ballkanin u paralajmërua një stuhi lëkundjesh të tokës dhe tashmë ajo filloi të prodhoj gënjeshtra të certifikuara për hirë të pushtetit.

Në fund, pasi shqiptarët i la pa heronj ai u bëri të qartë se do të ngelen edhe pa mjek, nëse nuk janë socialist”

“Le ta themi për të gjithë ata që kujtohen për ato ditë dhe ato net të menjëherë pas goditjes nga tërmeti dhe ne ishim aty për të bërë sistemimin e parë. A mund ta zgjojë një tërmet në 3 të mëngjesit Lulzim Bashën? A ndodh që ai të shfaqet aty, të lërë gjumin, për të qenë aty? A ka njeri që mendon se ky proces mund të përfundojë, nëse më 25 prill fatet e vendit bien në duart e atyre që janë të njohur për shkatërrimin që kanë bërë.

Ne po dalim më të fortë, çdo familje e goditur po del më e fortë. Më lejoni t’iu them të gjithëve, atyre që janë sot të pavendosur e mendojnë të mos votojnë fare, apo atyre që e shohin këtë proces me anësi politike, pyetja ime është e thjeshtë:

Nëse keni nevojë për një mjek, sepse keni urgjencë, dhe mjeku qëllon që të jetë socialist, t’i përkasë një partie tjetër, e ndërkohë aty pranë keni një veteriner që është demokrat e i përket partisë suaj, kë do të merrni veterinerin apo mjekun?”