Fëmijët poshtë tavolinës, po vjen Edi Rama…

nga Agim Popoci

“Nisim Sprintin Drejt 25 Prillit” u pagëzua ky event nga Edi Rama ku pritej nxehje muskujsh, këshilla, njohje me terrenin dhe kundërshtarin por në asnjë mënyrë bullizëm, seksizëm, krahinizëm, mizantropi, siç e përkufizoi psikoterapisti i njohur shqiptar, Neli Demi, promovimin kriminal socialist!

Meqë autor i këtij makabriteti ishte njeriu që shqiptarët e kishin parë me hallate në duart e gruas së ministrit të brendshëm, çitjane, çorape të kuqe dhe jo vetëm, atlete me kostum etj, edhe qëllimi i këtij promovimi u mundua të kanalizohet tek shpërqendrimi i vëmendjes së këtij mjeshtri të komunikimit.

Ndoshta mjeshtëria e manipulimit të popullit shqiptar mund ti atribuohet me shumë lehtësi edhe pas simbolikës 8. që përdori në listën e kandidatëve për deputetë në zgjedhjet e 25 Prillit, por Edi Rama ka një të kaluar që rrëzon skenarin e “Sprintit” ashtu si dhe realiteti në të cilin ndodhet Partia Socialiste dhe Kryetari i saj e Kryeministri aktual.

Numri 8

Sa janë të lumturuar durrsakët dhe vlonjatët për përzgjedhjen e Edi Ramës që ti përfaqësoj flasin kushtet në të cilat ata jetojnë edhe pas 8 vjet qeverisjeje socialiste në krye me këtë usta të propagandës.

Por pse numër 8 në listën zgjedhore?! Ky mjeshtër i manipulimit masiv edhe këtë herë vjen me një simbolikë të cilën u mundua ta interpretoj përmes numrave të tjerë që kishin emrat e njohur të PS nga Pandeli Majko deri te Gramoz Ruçi, por numerologjia zbulon se edhe në këtë pikë Edi Rama mashtron.

Edi Rama nuk e zgjodhi kot numrin 8 sepse ky numër ishte me fat për njerëzit e famshëm si piktori Pablo Picasso, këngëtarja Aretha Franklin ose dhe aktoret dhe motrat binjake Mary Kate dhe Ashley Olsen; Madje numri 8 ishte me fat edhe për reperin 50 cent por meqë kjo shifër nuk korrespondon me xhepat e Edi Ramës, nuk është me interes si për socialistët ashtu dhe liderin e tyre! 

Por Edi Rama përdori numrin 8 edhe pse numerologjia i atribuon frymëzimin për njerëzit e tjerë, janë me ndikim, ambicioz, krijues, tolerant dhe paratë nuk janë të rëndësishme për ta. Ata janë njerëz shumë të suksesshëm. Ata nuk e duan hipokrizinë dhe nuk tolerojnë njerëz që nuk dinë si të sillen dhe që pëlqejnë të bëjnë thashetheme.

Këtu kryetari i PS është kujdesur edhe për ata që mund të fillojnë të vjellin kur lexojnë këto virtyte të njerëzve që numrin 8 e kanë me fat, dhe nuk i gjejnë asgjëkundi  tek Edi Rama; Kanë dhe të meta. Ata janë mizorë, të pandjeshëm, të dhunshëm dhe të pangopur. Ata janë njerëz kokëfortë, të paduruar dhe arrogantë. Njerëz që u pëlqen të komandojnë, arrogantë, lakmitarë dhe superiorë.

Por suksesin e tij Edi Rama përveç se me 3D e  sqaron edhe përmes numrit 8. Numerologjia thotë se këta janë njerëz të aftë për punë të tilla si investitor, sipërmarrës, menaxher, shkencëtar, politikan, ekspert financiar dhe të ngjashme. Janë të gatshëm të punojnë shumë, kanë ambicie dhe dëshira të forta për sukses. Ata kanë aftësi organizative, janë të motivuar, të aftë dhe të ndershëm.

Dhe në fund, për të gjithë ata që nuk e kuptojnë mënyrën e veprimit të Edi Ramës, numri 8 sqaron se kemi të bëjmë me njerëz që vuajnë nga nervozizmi dhe mund të kenë probleme nervore. Janë shpesh në depresion, kështu që u rekomandohet pak pushim që të largohen nga të gjitha problemet.

Po mirë, nëse këto virtyte, të meta, shëndeti dhe puna i atribuohen njeriut me Nr. 8, pse iu desh ai shpërthim Edi Ramës apo nga e mori gjithë atë pezëm, urrejtje dhe histeri?! Vetëm me shpërqendrim të vëmendjes nuk ka lidhje!

Fëmijët poshtë tavolinës…

Edi Rama vetë ka rrëfyer makthin që ka kaluar nga sulmet e Sali Berishës, ku djali i tij futej poshtë tavolinës sapo dilte Saliu e mamaja e tij fillonte dhe qante, figurë e Saliut kjo të cilën Edi Rama e ka kultivuar para syve të komunistëve shqiptarë që në shkrimet e tij të para në gazetën “Koha Jonë” dhe vazhdon e përdor si mjet karikimi kundër gjithçkaje jokomuniste!

Sot, kur Gregori është rritur dhe gëzon shëndet të mirë, Edi Rama i don të gjithë fëmijët poshtë tavolinës! Jo se i duhet për tu kuruar nga koronavirusi apo ndonjë kancer qoftë larg, se ndoshta edhe e kishin mirëkuptuar shqiptarët, por gjithë këtë helm dhe vrer e hedhë për të fituar mandatin e tij të tretë.

Dhe, vetëm për këtë qëllim, Edi Rama harron se edhe Grida Duma ka djalë, ndonëse nuk quhet Gregor dhe gjyshja e tij nuk është Aneta!

Por ky krim nuk është shpërqendrim i vëmendjes! Histeria që ai shfaq është vetëm produkt i rezultateve të sondazheve që tregojnë se ai mund të ngushëlloj anëtarësinë me  PS-në si parti e parë, por i mungojnë mbi 250 mijë vota në krahasim me zgjedhjet e vitit 2017 ku vodhi, bleu, e manipuloi vota.

Edi Rama në “Sprint”  ishte një njeri në panik, jo vetëm pse bënte me duar dhe këmbë, grimasa që do tu kishin zili edhe njerëzit duke pirë ujë ose ata me faqore, por ky lider politik në dukje i fortë doli jashtë kontrollit pasi u publikuan shifrat e sakta të Antonio Notos, dhe ku konfirmohej se nga Rama kanë hequr dorë 27 për qind e atyre që i besuan votën në vitin 2017.

Në vitin 2017 votuan 1.613.960 e shqiptarëve ose 46.77% me të drejtë vote, 764.791 ose 48.34% prej të cilëve i besuan votën Edi Ramës. Sot, ndonëse parashikohet një pjesëmarrje më e ulët për shkak se mungojë njerëzit që kanë braktisur atdheun nga represaliet e Edi Ramës, të pavendusor rezultojnë 435.769 ose 27%.

Dhe nga 1.178.191votues sondazhi i Notos thotë se 506.622 ose 43% e shqiptarëve vazhdojnë ti besojnë Edi Ramës por kjo është 258.169 vota më pak se në vitin 2017.

Me këtë bilanc, Edi Rama mund të klithë “Gridare, Gridare” ose dhe “Ohohoh”, si pervers që është, duke mos e respektuar djalin e Gridës që pati fatin e zi ta ketë për kryeministër Edi Ramën, por kandidatja e PD për deputete, Grida Duma, dhe të gjitha mamatë shqiptare nuk kanë arsye ti plotësojnë qejfin këtij dështaku në panik, duke i futur fëmijët e tyre poshtë tavolinës, kur surrati i tij del në ekranet televizive. Dhe, mos urreni o njerëz, 25 Prilli është afër! Pronarët e televizioneve i dinë mirë të metat e Nr.8 jo vetëm pse këtë e thotë numerologjia, por janë të detyruar ta transmetojnë çdo “Sprint” të Kryeministrit Edi Rama sikur edhe ta dinë se skenari do të përsëritet dhe ka të vetmin qëllim: Fëmijët poshtë tavolinës!