Varianti britanik në Shqipëri, Komiteti Teknik: Masat nuk ndryshojnë!

 Nga janar-shkurti në Shqipëri qarkullon varianti britanik i COVID-19, tha sot pas mbledhjes së Komitetit Teknik të Ekspertëve, ministrja e Shëndetësisë, Ogerta Manastirliu ndërsa kreu i këtij Komiteti, Mira Rakacolli, konfirmoi se masat për parandalimin e përhapjes së koronavirusit do të mbeten në fuqi edhe për dy javë pasi masat e marra kanë dhënë efekt!

“Prej të hënës kemi dozat e radhës nga kontrata e Pfizer. Kemi arritur në një numër pra vaksinimesh perj 21 mijë e 619 doza vaksinash të kryera. Dhe kemi pothuajse përmbyllur vaksinimin e stafit shëndetësor. Më shumë se 16 mijë të vaksinuar. Më shumë se 4 mijë të kryer për të moshuarit plus 80 vjecc. Të moshuarit në shtëpitë e të moshuarit dhe stafet në shtëpitë e tyre.

Sa i përket situatës epidemiologjike, shohim që kemi tendencë të uljes së qëndrueshme ditore. Prej 1 marsit vërehet një trend i uljes së qëndrueshme. Vlerësohet se kemi një normalizim në spitale.

Fico do të japë gjithë informacionin, mbi incidencën dy javore, javore dhe spitalizimet, më lejoni të them që numri i infektimeve kur shihet se ka tendencë të rritjes së infektimeve edhe pse vendet europiane janë në mbylljen e dytë dhe të tretë,” tha Manastirliu duke folur për variantin britanik të kosonavirusit:

“Ashtu si Komiteti ka diskutuar në orët e para të mëngjesit, dhe në ditët e përditshme dhe analizim të situatës. Në vlerësimi e situatës janar-shkurt, në laboratorin e virologjisë janë analizuar kampionet PCR, laboratori ka përdorur kite specifike, të interpretuar të dhënat, dhe në këtë rast ISHP ka bashkëpunuar me ISHP të Ankarasë. Rezultatet treguan se kampionët janë të infektuara me variantin e ri, mbajnë shenjë të stacionit britanik. Ky mutacion është varianti britanik, që është në qarkullim në 70 vende. Dyshimet e arsyeshme që patën ekspertët e ISHP, që rritën transmetueshmërinë, është e konfirmuar që Shqipëria ka në qarkullim variantin britanik të COVID-19.”

Ndërkohë kryetarja e Komitetit Mira Rakacolli shton:

“Masat e marra kanë dhënë efekt, do të mbeten në fuqi edhe për dy javë!”

Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania.

– Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery).

– Nisur nga rritja e rasteve të infektimeve të reja në grupmoshën 15-24 vjeç, shkollat e mesme vijojnë me skenarin e tretë, pra atë online ne zonat e riskut të lartë.

– Universitetet vijojnë online.

– Pezullim të fluturimeve me Britaninë e Madhe.”

Situata aktuale me COVID-19, sipas Drejtoreshës së ISHP, Albana Fico, mbetet një situatë delikate, e monitoruar dhe nën kontroll.

“Ka një seri prezantimesh të cilat do t’i verbalizoj. Ndryshime në incidencën 2-javore, e cila ka pësuar një rënie, në 405 për 100 mijë banorë nga 515. Mesatarja e rasteve ditore siç e vëmë re ka rënë ka rënë tek 819 nga 899. Rastet aktive kanë pësuar një ulje të lehtë, por që duhet të vijojë të monitorohet.

Raporti meshkuj-femra, femra që preken gjithmonë më shumë se meshkuj dhe meshkuj që kanë më shumë fatalitete në raportin 52-48%. Çelësi i fatalitetit vazhdon të mbetet tek 1.7, ka një tendencë për uljen e pozitivitetit të mostrës,” tha Dr.Fico duke përfunduar:

“Pavarësisht numrave që kanë prodhuar një lloj qëndrueshmërie, nuk është akoma momenti për t’u gëzuar, masat duhet të vijojnë. Ne kemi vënë re që masat e ndërmarra, implementim i tyre kanë sjellë këto ndryshime që mund të jenë të vogla, por nëse do të jenë të qëndrueshme do të sjellin një përmirësim të situatës. Apelojmë tek qytetarët për zbatimin e masave.”