Thirrje nga kryeqyteti, Rama: Merr gomarin që të bën punë, s’je i detyruar që ta pëlqesh!
Në mungesë të ministrit të Marijuanës, Kryeministri Edi Rama sot mori përsipër vetë të bëjë fushatë në Kombinat për të rrëzuar Monika Kryemadhin, meqë e njehë mirë dhe sistemin e ardhjes së saj në pushtet në vitin 2001 po në këtë zonë. Program nuk kishte si zakonisht, akuza kundër Partisë Demokratike pa fund ashtu si dhe gallatat ordinere që përdorë. Ndonëse përballë kishte të rinjtë e kryeqytetit, fliste për gomerë dhe natyrën e tyre ndërsa thirrja për të ardhmen e Shqipërisë i Kryeministrit ishte: Merr gomarin që të bën punë dhe s’je i detyruar që ta pëlqesh
“Të jesh me PD dhe të votosh për PD sot janë dy gjera të ndryshme. Kjo pasi zgjedhja nuk duhet të jetë tifozllëk. Nëse je kombinatase, një kampionat lagje bëhet në Tiranë, ti me Kombinatin do jesh, edhe sikur të rrah Lapraka 10: 0. Por se kush do t’i bëjë punët, ky s’mund të jetë tifozllëk. Sjeni të detyruar që të pëlqeni Edi Ramën, s’ka dalë për të gjetur nuse. Është i martuar. S’ka dalë të bëjë krushqi me asnjë. S’ja pëlqeni çitjanet, e keni kollaj fare, një klik në telekomandë dhe e fshini. Këtu nuk bëhet fjalë për të pëlqyer Edi Ramën apo për të pëlqyer dikë tjetër. Ju pëlqen Luli? Ta marrin ta vënë në kornizë, ta vënë në mur dhe ta administrojnë si imazh. Po të duan dhe ta puthin në xham. Po kur vjen puna për zgjedhjen, është si puna e gomarit për të ngarkuar drutë. Nëse të pëlqen ngjyra e gomarit që fle, apo e atij që është në këmbë dhe ngarkon drutë. Merr gomarin që të bën punë dhe s’je i detyruar që ta pëlqesh. Je thjesht i interesuar ta zgjedhësh,” tha Edi Rama dhe pavarësisht se kaloi në fushën e ekonomisë dhe taksave, nuk iu nda zoologjisë:
“Nëse ty s’të pëlqen që të mos paguash taksë, ‘amanet mushkat thonë plakat labe’. Nëse PD do të vinte një taksë të lartë dhe do bënte çudinë, hajt se po ja jepni do thonit. Por sa herë që rrisnin taksa, do merrni tranvajin e Tiranës. Me kë do të fitojë PD? Me Lulin? Ne kemi nisur vaksinimin masiv, dhe ai ka nisur infektimin masiv. Atij si shkon fare mendja. Sikur t’i thoja Belindës; Ta bëjmë një të fortë në Kombinat, mblidhi. Po kjo është e turpshme. Ju këtu njihni më shumë Monikën, ajo ka qenë e lidhur me Kombinatin. Ajo bën shtëpi, por për veten. Aq shtëpi, sa dhe banjo për çdo mace. Për shtëpi pa leje, për rrumpallë, e patë që në mitingun hapës. Ajo është mënyra se si ata vendosën marrëdhënie me hapësirën e përbashkët. Kur ata kanë kontrollin, hapësira e përbashkët është jashtë kontrollit. E keni para ça thonë; “para 8 vitesh u bë një aksident; fitoi Edi Rama.”
Dhe jo vetëm kaq! Pasi mbaroi me zoologjinë shqiptare, të fortët që i paralajmëroi Monikës se do ti ketë përballë e tha një argument të tmerrshëm edhe pse ishte e qartë se nuk e kishte për të rinjtë që kishte përballë sepse ata ende nuk e ndijnë se sa kriminel ishin parardhësit e tyre komunist:
“E keni dëgjuar çfarë thonë? Thonë se; “Para 8 vitesh ndodhi një aksident se fitoi Edi Rama”. Aksident se fitova unë? Pra popullit i iku mendja dhe nuk mbajti më në kurriz Saliun dhe taborrin e krushqve të dasmës së Lulit. Kur ai humbet disa herë siç ka humbur dhe i thotë popullit ai është një aksident, mos u merr me të, nuk ka nxjerrë asnjë mësim. Se ai thotë që populli u tregua budalla,” tha Edi Rama duke e konfirmuar një të vërtetë të frikshme e cila përflitej në vitin 2013, në rast të humbjes Partia Socialiste ishte e gatshme ta përsëriste vitin 1997:
“Sikur populli të mos kishte vepruar në 2013, do të kishte përfunduar njësoj si në 1997. S’kishte më Sudenë dhe Vehbiun por ishte vetë një piramidë. Ndërsa sot jemi në udhëkryq me drejtësinë.”
