Pas takimit të Bashës në Fier, Rama: Përsheshe me virus për politikë! PD: I frikësuar!

Pas pritjes plotë entuziazëm që iu bë liderit të opozitës në Fier, Kryeministri Edi Rama duke marrë rolin e humanistit ka sulmuar Lulzim Bashën për përsheshe, siç tha, me virus për politikë pa din e as iman. Me këtë, thekson Partia Demokratike, Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë.

“DY BOTË – Njëra lufton për të shpëtuar jetën e të gjithëve pa dallim, tjetra bën përsheshe me virus për politikë pa din e as iman,” thekson Edi Rama në reagimin e tij përmes rrjetit social, sërish duke manipuluar me vaksinat në mungesë të timonit dhe tepsisë:

“Vazhdon vaksinimi masiv në gjithë Shqipërinë. Vazhdon paralelisht edhe infektimi masiv, për vete hipur mbi makinë, nën këmbë ta hajë kush ta hajë.”

I menjëhershëm ishte reagimi i Partisë Demokratike e cila vlerëson se Rama ndihet i frikësuar nga qytetarët e Shqipërisë që duan të sjellin ndryshimin që i nevojitet vendit tonë.

“Ka vetëm dy mundësi: një lider që punon për ju, për të sjellë ndryshimin që i nevojitet Shqipërisë, për t’i përmirësuar jetët tona, ose Rama i cili dështoi për 8 vite dhe ua dha Shqipërinë oligarkëve,” thekson Partia Demokratike në reagimin e saj duke përfunduar:

Më 25 prill, Shqipëria do të fitojë dhe Rama do të humbë!