Berisha: Shqipërisë i hapen negociatat vetëm me kushte

Shqipërisë do t’i hapen negociatat vetëm me kushte. Kështu u shpreh ish-Kryeministri Sali Berisha, i cili gjatë një interviste për Oranews, ka zbardhur edhe disa detaje mbi takimet e zhvilluara në Gjermani.

“Mendoj se opozita gjatë këtyre dy muajve të fundit ka ngritur një strategji proteste e cila ka shënuar sukseset e para të rëndësishme, në kuptimin që Edi Rama kudo që shkon pritet me urrejtje, shoqërohet nga shumë gardistë dhe policë.

Qytetarët dalin e bllokojnë me orë të tëra në hotel siç bënë në Peshkoi. Mendoj se opozita ka shënuar një rezultat të jashtëzakonshëm në këtë drejtim.

Vendi është në një rrugëkryq dramatike. Kësaj here Shqipëria e cila duhet të kishte hapur negociatat që në vitin 2016-të jo vetëm që nuk i hapi, por s’po i hap dot as në 2018-n.

Isha në Gjermani takova plot miq atje, nuk ka hapja negociatash pa kushte për Shqipërinë. Sepse është evidente sepse nuk janë plotësuar kushtet, drejtësia është degë e ekzekutivit shqiptar.

Ditën që do të vlerësohej Shqipëria bëhet grushti shtetit brenda shtetit, u asgjësua Gjykata Kushtetuese’, deklaroi Berisha.