A do të arrestohet Tahiri? Habit Kryemadhi…

A do të arrestohet Sajmir Tahiri? Kryetarja e LSI-së, Monika Kryemadhi ka habitur me përgjigjen e saj.

“Kush do e arrestojë prokurorët që kanë probleme me të shkuarën e tyre”, tha Kryemadhi, e cila gjithashtu e ka cilësuar të paligjshëm shkarkimin e Besim Hajdarmatajt nga posti i Kreut të Prokurorisë së Krimeve të Rënda.

Kryemadhi tha se nëse kjo ndodh, ai do hapë librin e shënimeve dhe do nxjerrë gjithë urdhëruesit.

“Tahiri do hapte librin e shënimeve, do nxirrte të gjitha urdhëresat. Rilindja ka përgjegjësinë, por Edi Rama është përgjegjësi si për kanabizimin, rritjen e borxhit, rritjen e taksave, koncesioneve”,- shtoi ajo.

Kryemadhi thotë se Prokurorja e Përgjithshme e Përkohshme nuk ka asnjë tagër për të shkarkuar nga detyra prokurorë, ndërsa e cilëson si të paligjshëm shkarkimin e Hajdarmatajt dhe emërimin në vend të tij të Donika Prelës.