A është gati opozita për zgjedhje të parakohshme dhe bashkimi i PD ? Ja qëndrimi i Berishës…

Ish-Kryeministri Sali Berisha deklaroi se opozita dhe Partia Demokratike po përgatit stuhinë, pasi pa të s’mund të ketë zgjedhje.

Berisha tha se do të ishte vetëvrasje nëse pa stuhinë do të shkohej në zgjedhje me Edi Ramën.

“Vetëm stuhia mund të kthellojë, mund të pastrojë ajrin. Pa stuhinë apo fortunën nuk shkohet në zgjedhje me Edi Ramën”, tha Berisha.

Në vijim ai shtoi se Partia Demokratike nuk ka luksin për të humbur askënd. Sipas tij, edhe porosia që u dha dje për hapjen e fushatës ishte ofrimi i të gjithë kontribuesve në PD.

I pyetur lidhur me bashkimin në PD, ish-kryeministri theksoi se përpjekje janë bërë dhe Kuvendi miratoi statusin duke përfshirë edhe propozimet e grupimeve të tjera.

“Kërkesa për të sanksionuar në statut largimin e Kryetarit nëse humbet zgjedhjet, nuk ekziston në asnjë statut të partive anëtare të PPE-së”, tha Berisha. Sipas tij, secili demokrat duhet të ketë kontribut themelor rrëzimin e Edi Ramës.

“Beteja për bashkimin e PD duhet të vazhdojë”, tha Berisha.

 Sipas ish-Kryeministrit, nëse do të ishin në Kuvendin Kombëtar dhe do të thonin fjalën e tyre, atëherë do të ishte më mirë.