Taksa për rrugën e Kombit, Rama e pranon: U tregova egoist…

Kryeministri Edi Rama ka pranuar se gaboi rëndë me taskën për rrugën e kombit. Madje Rama shkoi edhe më tej duke e cilësuar vendimin si egoist.

“Ajo është një temë e cila ishte më komplekse. Mund të konceptohet si e tillë, por në atë rast unë e them sërish se ne gabuam. U nisëm nga një qëllim i mirë por bëmë gabim.

Ne gabuam sepse nuk ndërmorëm një proces të duhur për të kuptuar se çfarë kuptimi kishin njerëzit për atë kontratë.

Kontrata është bërë 2 vjet më parë. Ishte diçka e bërë dhe e harruar dhe hyri në funksion jashtë vëmendjes tonë.

Nuk u mor askush se në momentin që kjo kontratë do të zbatohej do të kishte një opinion publik të papërgatitur.

Por në momentin që gjëja ndodh atëherë të gjithë njerëzit ishin të vëmendshëm, ne gabuam në të gjithë strategjinë. Ne nuk shpjeguam dhe nuk dëgjuam, por e lamë të rridhte gjënë si një kontratë e zakonshme”, tha Rama.