Flutura Açkës/ Në vend të një ngushëllimi…

E dashur Flutur në vend të një ngushëllimi të thatë mes lotësh dhe dhimbjesh e shkrova këtë poezi. Besoj se do të mund të mbrrij e të gjendem pranë teje dhe Richardit në ceremoninë e përcjelljes për në parajsë të birit tuaj, shokut tim që sdo ta harroj kurrë Jerin van den Brink

***

Mikes time të shtrenjtë
Ju fik DIELLI i jetës ndër sy
Sytë ju bënë shkrumb
E DIELLI hi.

Tash, ajo,
Mikja ime e shtrenjtë
Si një zog pa fole
Fluturon pa u ndalë
Ndër gjithë ato vise
Ku pat diellzuar
Dashuria e saj në të gjallë.

Prej zgavrave të shkrumueme
Në çdo vend
Ku patën qeshur
Ku patën kuvenduar e mbjellur ëndrra.
Hedh nga pak hi të bardhë kujtimesh
Si farë jete që pëlcet dhimbjesh…

Tiranë me 8.05 2018