Aleanca për Ardhmërinë e Kosovës e ndërron emrin e partisë dhe Kryetarin

Me 453 vota për, 2 kundër, 1 abstenoi dhe 5 vota të pavlefshme, Kuvendi i X-të Zgjedhor i Aleancës për Ardhmërinë e Kosovës zgjodhi Kryetarin e ri të partisë, Ardian Gjini.

Në vijim, delegatët e Kuvendit aprovuan ndryshimet statutare, përfshirë ndryshimin e emrit të partisë nga Aleanca për Ardhmërinë e Kosovës në “Aleanca”, zgjedhjen e Këshillit të Përgjithshëm, me përbërje prej 106 anëtarësh. Përbërjes së Këshillit të Përgjithshëm do t’i shtohet edhe Kryesia e re pas konstituimit, si dhe 3 përfaqësues nga diaspora që kanë marrë më së shumti vota në Kuvend..

Po ashtu, Kuvendi i X-të Zgjedhor i Aleancës zgjodhi Kryetarin e Nderit, Ramush Haradinajn, si dhe Këshillin e Nderit.

Duke falënderuar delegatët e Kuvendit, Kryetari i ri Ardian Gjini tha se ky besim është zotim për punë dhe përgjegjësi e madhe.

“Mirëmëngjesi Kosovë dhe faleminderit nga zemra!

Jam thellësisht mirënjohës për çdo mesazh, koment dhe mbështetje. Ky besim është zotim për punë dhe përgjegjësi e madhe,” shprehet Kryetari i Aleancës, Ardian Gjini, përmes në falënderimin e tij rrjetit social Facebook duke përfunduar:

“Një falënderim i veçantë dhe me respekt të lartë shkon për Kryetarin e Nderit të Aleancës, z. Ramush Haradinaj. Faleminderit për lidershipin e palëkundur dhe besimin e dhënë për ta çuar përpara vizionin tonë të përbashkët.

Na priftë e mbara!”