Ambulanca përplaset me makinën, një i plagosur

Një aksident rrugor është shënuar rreth orës 05:00 të mëngjesit në afërsi të fshatit Sovjan, në Maliq, ku janë përfshirë një autoambulancë dhe një automjet tjetër.

Si pasojë e përplasjes ka mbetur i plagosur një shtetas që udhëtonte në mjetin e vogël. Sipas të dhënave paraprake, i plagosuri është jashtë rrezikut për jetën.

Përplasja ka qenë e fortë dhe shkaktoi dëme të konsiderueshme materiale në të dyja automjetet.

Rrethanat dhe shkaqet e aksidentit pritet që ti përcaktojë grupi hetimor.