Anëtari i Gjykatës së Lartë para KPK/ ILDKPI pretendon se ka fshehje pasurie…

Mehdi Bici, anëtar i Gjykatës së Lartë, po përballet me Vettingun në një seancë gjimore para KPK-së. Referuar raportit të ILDKPI-së, pretendohet se Bici ka kryer deklarim të pasaktë të pasurisë së tij, duke e fshehur atë.

KPK ka konstatuar se gjyqtari Medi Bici ka këto prona: Vilë katërkatëshe në rrugën Pasho Hysa ndërtuar 93-96 si ndërtim pa leje në një toke 237 m katrorë.

Më pas kjo banesë është legalizuar në vitin 2011.

KPK në relacionin e saj shton se ka mospërputhje me vlerat truallit. Sipas KPK gjyqtari e ka ndërtuar shtëpinë pa leje ndërkohë qe ka qenë gjyqtar, duke shkelur ligjin.

Por nga ana e tij Bici ka thënë se është ndihmuar nga vëllai me një shumë prej 10 mijë eurosh për shkollimin e fëmijëve.

Po ashtu KPK shton se gjyqtari ka dhe një llogari rrjedhëse me 1 milionë lekë me burim nga kursime.
Bici është paraqitur në seancë pa praninë e një avokati.