VIDEO/ I shpëtoi tragjedisë në Athinë, ja ku ishte fshehur…

Vullnetarët që vijojnë të kërkojnë në zonën e Matit, në periferi të Athinës, e cila u përfshi nga flakët rreth 1 javë më parë, kanë publikuar një video, në të cilën shfaqet një qen që i ka shpëtuar zjarreve apokaliptike.

E ndërkohë që numri i viktimave raportohet të ketë arritur në 91, qeni i shfaqur në videon e mëposhtme është gjetur i fshehur në një furrë gatimi, ndërsa shtëpia ishte shkrumbuar totalisht.

Artemis Kyriakopoulou, i cili postoi videon e kafshës së shpëtuar, shkroi në Facebook: “Ne e gjetëm këtë krijesë në një furrë, të një shtëpie të djegur, në një zonë të Matit, që është shkatërruar plotësisht.

Qeni ishte djegur, lënduar, i uritur, dhe natyrisht i frikësuar, ndërsa arritëm ta shpëtonim atë dhe vëllain e tij, i cili ishte në një gjendje më të mirë.

Ata janë transferuar te një veteriner.

Qeni i dytë që nuk është treguar në video, ishte duke pritur me durim pronarin e tij në hyrje të shtëpisë
… Ju lutemi na ndihmoni të gjejmë pronarët e tyre nëse ata janë ende gjallë “.